Jeltoqsan jeli – sanaǵa salmaq

Almatydaǵy «Rýh BG» baspasynan jazýshy  Beıbit Qoıshy­baevtyń «Jeltoqsan-Syn» atty jańa kitaby jaryq kórdi. Munda avtordyń Jeltoqsan oqıǵasyna baılanysty óz basynan keshkenderi, sondaı-aq ár kezde alǵan, bergen suhbattary, jazǵan maqalalary, túrli jıyndarda jasaǵan baıandamalary toptastyrylǵan. Jazýshy Beıbit Qoıshybaev 1986 jylǵy Jeltoqsan kóterilisine oraı respýblıkamyzdaǵy totalıtarızm sıtadelderiniń birinde bıleýshi partııa baǵytyna qıǵash másele kóterip, jazyqty bolǵan edi. Partııalyq jáne ákimshilik turǵydan jazalanǵan. Alaıda, qalamger óziniń azamattyq pozısııasynan taımaı, sodan bergi jyldar boıy jastar qozǵalysynyń qyr-syryn ashý jolynda tabandy eńbek etip keledi. Sol eńbeginiń kórinisi ispetti «Jeltoqsan-Syn» pýblısıstıkalyq hronıkasynan oqyrman qaýym jazýshynyń eli­mizde keıingi otyz shaqty jyl ishinde oryn alyp kele jatqan ózgerister men ilgerileýler  barysynda týǵan  túrli  oı-tolǵamdary, pikir-paıymdarymen  tanysa alady. Kitap hronologııalyq retpen qu­rastyrylǵan. Bul tártip belgili dárejede avtordyń máse­lege kózqarasynyń elimizdegi qı­ly qoǵamdyq qozǵalystar ju­mys­taryna baılanysty qalaı damyǵanyn, óristeý baǵytyn kórýge múmkindik beredi. Avtor Jeltoqsan kóterilisine kózqarasty jekelegen árkimniń qoǵamdyq belsendiliginiń aıqyndaýyshy, ólshemi retinde qarastyrady. Qalamger bul eńbegin Jel­toq­­­san kóterilisiniń 30 jyldyǵy men Táýel­­sizdiktiń 25 jyldyǵyna arnaıdy. Jınaq qalyń kóp­shi­likke, jastarǵa, Otan tarıhyn zert­teý­shilerge paı­da­ly maǵlumattar be­re­di. «Egemen-aqparat»