О́zgeristerdiń ózi ómirsheń

Ortalyq kommýnıkasııalar qyzmetinde ótken baspasóz máslıhatynda elimizdegi mádenı saıa­sat tujyrymdamasyna engizilgen negizgi jańalyqtar men ony júzege asyrý barysy týraly talqylandy. Jıynǵa Mádenıet jáne sport mınıstrligi mádenıet jáne óner isteri departamentiniń dırektory A.Raıymqulova, Ulttyq mýzeıdiń dırektory D. Myńbaı, qoǵam qaıratkeri, akademık Ǵ.Esim, rejısser, Kınematografıster odaǵynyń teń tóraǵasy A. Ibraev qatysty. Jıynda sóz alǵan mádenıet jáne óner isteri departamentiniń dırektory Aqtoty Raıymqulova mádenıet salasyndaǵy menedj­mentti jańǵyrtý mádenıet salasyn bıznes bastamalar úshin tartymdy etýmen tyǵyz baılanysty ekenin atap ótti. Departament dırektory mınıstrliktiń mádenıetterdi jaqyndastyrý ortalyǵyn qurǵanyn, ortalyq jumysy úzdik tájirıbe, IýNESKO-nyń gýmanıtarlyq qyrlary men turaqty mádenı damý qaǵıdattary negizinde Ortalyq Azııa elderinde dinaralyq suhbat pen mádenı kóptúrlilikti saqtaý men damytýǵa baǵyttalǵanyn baıandady. – Tujyrymdamanyń báse­kege qabilettilikti arttyrý men ınnovasııalyq damytý bóliginde elimizdiń mýzeılerine mýltımedıalyq quraldardy engizý týraly másele qolǵa alynýda. Sondaı-aq, 2015-2020 jyl­darǵa arnalǵan aýqymdy kıno jáne telejobalar serııasyn jasaý boıynsha «Máńgilik El» keshendi jos­pary ázirlenip, bekitildi.  Keshendi jospardy iske asyrý aıasynda ozyq halyqaralyq tájirıbe esebimen «Qazaqfılm» AQ jumysyn damytý tujyrymdamasy ázirlendi», – dedi ol. Baspasóz máslıhatyna qatysqan Ulttyq mýzeı­diń dırektory Darhan Myńbaı mýzeıdiń avto­mattan­dyrylǵan júıege kóship jatqanyn habarlady. – Bul júıeniń negizgi mindeti – júıeleý, zertteý, sıpattaý. Tek Ulttyq mýzeıge ǵana emes, júıeniń elimizdiń barlyq mýzeılerine qatysy bar. Búgingi kúnde, Ulttyq mýzeıdiń aımaqtyq mýzeılermen baılanysy jolǵa qoıyldy. О́ıtkeni, elimizdiń barlyq mýzeılerinde qundy jádigerler barshylyq. Biz eki aıdy sol aımaqtyq mýzeılerge bólip otyrmyz. Osy ýaqytta olar óz jádigerlerin Astana jurtshylyǵyna usynady. Sondaı-aq, «Ulttyq mýzeı seniń qalańda» degen aksııa aıasynda biz «Altyn adamdy» árbir oblys ortalyǵyna aparyp kórsetýdi bastadyq, – dedi Ulttyq mýzeı dırektory. Al Qazaqstan Kınemato­grafıster odaǵynyń teń tóraǵasy Ahat Ibraev qazaq kınosynyń aýqymdy kólemdegi toptamasyn sandyq formatqa kóshirý máselesi talqylanyp jatqanyn alǵa tartty. Memlekettik kınofılm qoryn damytýdaǵy bizdiń tujyrymdamada qazaq kınosynyń aýqymdy kólemin sandyq formatqa kóshirý talqylanýda. Qazirgi kezde qordaǵy týyndylardyń bir bóligi sandyq nusqada bolsa, qalǵandary taspada saqtaýly. Biz myńnan astam fılmdi sandyq pishimge kóshirýdi josparladyq. Olardyń arasynda derekti fılmder de bar, – dedi ol. Ahat Ibraev elimizde kıno salasyn damytýdyń 2050 jylǵa deıingi tujyrymdamasynyń daıarlanýy kıno salasynda sońǵy birneshe jylda ázirlengen eń mańyzdy qujat ekenin de nazardan tys qaldyrmady. Aıgúl SEIILOVA, «Egemen Qazaqstan»