Az ulttan shyqqan, qazaqshasy jaqsy sardarlar kóbeıip keledi

Solardyń biri – «Ba­tys» óńirlik qol­bas­shy­lyǵy baılanys qyz­meti­niń bastyǵy, ýkraın ulty­nyń ókili Gennadıı Shkrebko. Ol Soltústik Qazaqstan óńirinde dúnıe­ge kelgen. – Qazaqstan Respýb­lı­kasynyń azamaty bolý bizdiń maqtanysh sezi­mi­mizdi týǵyzady. Ári bizge úlken mindetter júkteıdi. Birinshiden, azamat­tylyq Otanymyzdy sheksiz súıe bilýge, mem­lekettik rámizderdi qurmetteýge daǵdylan­dyrady. Ári barsha qazaqstandyqtarǵa degen syılastyq sezimin qalyptastyrýǵa alǵyshart qalaıdy. Elimizdiń Konstıtýsııasyn qasterlep, zańdaryn qaltqysyz saqtaý jáne memleketimizdi qorǵaýǵa bir kisideı ázir bolý – basty paryzymyz, – dedi ol gazet tilshisine. Petropavl áskerı ınstıtýtynyń túlegi G.Shk­reb­konyń memlekettik tildi úırený jónindegi talap-tilegi men qyzyǵýshylyǵy atalǵan oqý ornynyń qabyrǵasynda oıanypty. Maıor she­nin­degi Gennadıı Aleksandrovıch biz­ben áńgimesinde til úırený sabaqtarynyń tıgiz­gen paıdasy men kómegin búginde áskerı qyzmette keńinen paıdalanyp júrgenin jetkizdi. Bárimiz de memlekettik tildi bilýge mindettimiz dep sanaıdy áskerı qyzmetker.

Al koreı ultynyń ókili 5517 áskerı bólimi komandıriniń orynbasary Vıacheslav Pak kópet­nosty elimizdegi tatý-tát­ti tirshilik pen dostyq qa­­rym-qatynastardy jo­­ǵary baǵalaıdy. Ári osyn­d­aı beıbitsúıgish elО́de qyzmet etip júrgenin maqtan tutady. – Meniń ózime júktel­gen senim júgi de sal­maq­ty. Atqaryp júrgen qyz­metimniń jaýapkershiligi de joǵary. Men «Batys» óńirlik qolbasshylyǵy sapynda komandırdiń tárbıelik jáne áleýmettik quqyqtar jónindegi orynbasary bolyp qyzmet etemin. Munyń ózi maǵan qashanda mereıli mindetter júkteıdi. Sonyń eń bastysy, jeke qurammen memlekettik-quqyqtyq daıyndyqtar boıynsha dáris berý dep esepteımin. Bul dárister júıeli túrde júrgizilip keledi. Oǵan tyńdaýshylar qashanda belsendi túrde qatysyp júr. Eshqaısysy da, enjarlyq, selsoqtyq kórsetpeıdi. Qyzmet barysynda sarbazdardy múmkindiginshe bolýy yqtımal túrli quqyq buzýshylardan saqtandyryp, tártipti buzbaýǵa, jarǵy talaptaryn buljytpaı saq­taýǵa shaqyryp otyramyn. Bul is-áreketim – eli­mizdiń ulttyq qaýipsizdigi men beriktigin nyǵaı­týǵa qosqan úlesim, – deıdi aǵynan jaryla til qat­qan maıor V.Pak. «О́zim týyp-ósken qazaq jeri­niń bolashaǵy men ıgiligi úshin bilimim men bilik­tiligimdi jáne kúsh-qaıratym men jigerimdi, bu­ǵan deıingi jınaqtaǵan tájirıbemdi sarqa jum­saýǵa daıynmyn», dep oı qorytty Vıacheslav Pak.

Bizdiń kelesi bir kezdesip, oı-pikir al­masqan keıipkerimiz – tájik ultynyń ókili Jorabaı Sýlaımonov boldy. Ol «Batys» óńirlik qolbasshylyǵy jaýyngerlik qyzmeti basqarmasynyń aǵa sardary. Ońtústik Qazaqstan oblysynda dúnıege kelgen. Jıyrma jyldan astam ýaqyttan beri áskerıler sa­pynda qyzmet atqaryp júrgen podpolkovnık Jora­baı Asadýllauly qazaq tilin de, orys tilin de jetik meńgergenin birden kór­setti. Eki tilge de sýdaı. Ol «Tilge qurmet – elge qur­met» dep sanaıdy eken. Nesi bar, óte oryndy, óte ornyqty kózqaras. Sonaý saıası qýǵyn-súrgin kezeńinde, Uly Otan soǵysy jyldarynda qazaq halqynyń kórmegen qıynshylyǵy joq. Soǵan qaramastan, qazaq jerine eriksiz aýdarylyp, eriksiz toǵytylǵan ózge ult ókilderine qushaqtaryn aıqara ashty. Olarǵa qolyndaǵy baryn bólip berdi. Biz muny qazaq eliniń tarıhynan jaqsy bilemiz deıdi keıipkerimiz. Jıyrma jyldan beri qandaı qyzmettiń tizginin ustasa da Jorabaı sol ujym músheleriniń ózine degen ystyq yqylasyn sezine alǵanyn maqtanyshpen aıtty. Jorabaı Sýlaımonovtyń otbasynda Mýhammad jáne Tımýr esimdi uldar ósip keledi. Minekeı, áskerıler qatarynda ortaq Otanymyz – Qazaqstan Respýblıkasynyń qaýip­siz­digi úshin jan aıamaı eńbektenip júrgen osyn­daı azamattar jeterlik. Qandaı ult pen ulystyń ókili bolsyn olardyń tilekteri men nıetteri ortaq.

Jazyp alǵan Temir QUSAIYN,

«Egemen Qazaqstan» ORAL