Reseıde Kaspıı mańy elderiniń medıa-forýmy ótip jatyr

Edildiń boıyn en jaılap, Kaspıı teńiziniń jaǵasynan qonys tepken Astrahan óńiri buryn kórshi memlekettermen, ásirese, Qazaqstannyń shekaralas oblystarymen ózara is­kerlik, ekonomıkalyq baılanystar­dy jandandyrýǵa nıetti bolsa, endi aqparattyq qarym-qatynasty da óris­tetýge bet buryp otyr. Sonyń dá­lelindeı, byltyr Kaspıı mańy el­deriniń buqaralyq aqparat qural­dary ókilderi úshin medıa-forým ót­kizýdi qolǵa aldy. Alǵashqy medıa-forýmǵa Kaspıı teńizin jaǵalaı qo­nystanǵan Qazaqstan, Reseı, Iran, Ázerbaıjan jáne Túrikmenstan elderi­nen 200 ókil men 20-dan astam she­teldik BAQ qatysqan eken. Sol me­dıa-forýmnyń aıasynda atal­ǵan elderdiń buqaralyq aqparat qu­ral­dary arasyndaǵy yntymaq­tastyq týraly 16 kelisimge qol qoıylypty. Keshe Astrahanda ekinshi ret jumysyn bastaǵan medıa-fo­rým­dy uıymdastyrýshylar Kaspıı teńiziniń problemalary onyń jaǵa­laý­yndaǵy kórshiles elder jýr­nalısterin biriktiretin taqyrypqa aınalǵanyn alǵa tartty. Muny Kaspıı mańy elderiniń medıa resýrs­tarynda teńizdiń bıoresýrstaryn saqtap qalý jóninde 43 materıaldyń jaryq kórgeninen baıqaýǵa bolady. Medıa-forým alǵashqy kúninen-aq aqparat berýdiń mańyzdylyǵy men ashyqtyǵy, qaýipsizdigi týraly san qıly pikirtalastyń alańyna aınaldy. Qazaqstan men Reseıdiń aqparattyq qarym-qatynasynyń perspektıvalaryn talqyǵa salǵan telekópir ótti. Bul medıa-forýmda Kaspıı teńizi elderdi bólmeıtini, kerisinshe, birik­tire túsetini baıqaldy. Aıt­qandaı, medıa-forýmdy uıym­das­tyrýshylar «Kaspıı armany» taqy­rybymen tórt atalym boıyn­sha halyqaralyq konkýrstyń jeńim­pazdaryn anyqtaıdy. Joldasbek ShО́PEǴUL, «Egemen Qazaqstan» – Astrahannan (Reseı Federasııasy)