Jambylda «Til – tatýlyq tiregi» festıvali ótti

Jambyl oblystyq tilderdi damytý basqarmasynyń uıymdastyrýymen til janashyrlary men memlekettik tildi jetik meńgergen etnos ókilderiniń jáne oblystaǵy etnomádenı birlestik ókilderiniń arasynda «Til – tatýlyq tiregi» atty oblystyq festıval ótkizildi. Búginde qasıetti Áýlıeata jerinde tatýlyǵy men birligi jarasqan 80-nen astam ult pen ulys tatý-tátti ómir súrip jatyr. Memlekettik tildiń qoldanylý aıasyn keńeıtý, mártebesin kóterý men mańyzdylyǵyn keńinen nasıhattaý jáne óńirdegi túrli etnostardyń ana tilderin damytýǵa qoldaý kórsetý, sondaı-aq elimizdegi tatýlyq pen azamattyq kelisimdi nyǵaıtýdy basty maqsat tutqan bul is-shara barysynda birqatar til janashyrlary alǵys hatpen marapattaldy. Árıne, mundaı festıfalder ózge ult ókilderiniń memlekettik tildi meńgerýge jáne ana tilderin bilýge degen qyzyǵýshylyǵyn oıatyp, etnos ókilderiniń ortaq Otany – Qazaqstanǵa degen súıispenshiligin arttyryp, olardyń boıynda qazaqstandyq patrıotızm sezimin qalyptastyratyny anyq. Oralhan DÁÝIT