Almatydaǵy baspasóz klýbynda "Balapan juldyz" atty jas talanttar baıqaýynyń qoryndysy boıynsha kórermenge jol tartatyn baǵdarlamanyń tusaýy kesildi. Baıqaýdy "Balapan" arnasynyń tapsyrysy boıynsha Arýjan Saınnyń prodıýserlik ortalyǵy uıymdastyryp, ótkizgen. Otandyq balalar arnasynan 1 qazannan bastap kórsetile bastaıtyn jańa baǵdarlama elimizdiń barlyq aımaǵyndaǵy daryndy baldyrǵandardyń basyn qosqan aıtýly jobaǵa aınalyp otyr. - "Balapan" arnasy ashylǵaly beri qazaq balalarynyń kóńilinen shyǵatyn baǵdarlamalardy jasaýǵa mańyz berip otyrǵanymyzdy bilesizder. Qazirge deıin úsh júzden astam tól ónimderimizdi shyǵardyq. Balanyń talǵamynan shyǵý ońaı emes. Balalarymyzdyń "Balapannyń" dosyna aınalǵanyn eskersek, nətıje jaman emes sııaqty. Kórermenderge usynyp otyrǵan "Balapan juldyz" baǵdarlamasy da kózaıym joba. Talantty, ónerli balalarymyzdyń baǵyn ashatyn joralǵy bolsyn degen nıet, - dedi tusaýkeserde Qazaqstan Ulttyq arnasynyń Basqarma tóraıymy Nurjan Jalaýqyzy.
Qalmahanbet Muqametqaly, Almaty
