1995
* 4 qańtarda Shý qalasynda Transazııa magıstraliniń Arys-Shý ýchaskesin elektrlendirýdiń aıaqtalǵanyna baılanysty saltanatty rásim bolyp ótti. Oǵan qatysqan Prezıdent Nursultan Nazarbaevqa uzyndyǵy 582 shaqyrymdy quraıtyn temir joldy elektrlendirýdiń sońǵy býyny iske qosylǵany baıandaldy.
*10 qańtarda Uly Abaıdyń 150 jyldyǵyna daıyndalý jáne ótkizý jónindegi merekelik komıssııanyń keńeıtilgen májilisi boldy. Ony Prezıdent Nursultan Nazarbaev júrgizdi. N.Á.Nazarbaev daıyndyq jumysynyń naqty baǵyttary boıynsha jumys toptaryn qurýdy usyndy. Munan bylaı Abaı toıyna daıyndyq isin Prezıdent óziniń jeke baqylaýyna alatyn bolyp belgilendi.
Bul týraly «Egemen Qazaqstan» gazetiniń 12 qańtaryndaǵy nómirinde «Uly aqyn mereıtoıyn laıyqty ótkizý – elimizdiń rýhanı tolysýyna syn» taqyrybymen maqala jaryq kórdi.
* 12 qańtarda Abaıdyń týǵanyna 150 jyl tolýyn merekeleýge ázirlikti kúsheıtý jónindegi sharalar týraly Prezıdent qaýlysyna qol qoıyldy.
* 20 qańtarda Memleket basshysy N.Á.Nazarbaev pen Reseı Federasııasynyń Prezıdenti B.N.Elsın Máskeýde Qazaqstan-Reseı yntymaqtastyǵyn keńeıtý men tereńdetý týraly Deklarasııaǵa jáne eki el azamattarynyń múddelerin qorǵaıtyn birqatar qujattarǵa qol qoıdy.
* 24 qańtarda Brıýsselde Qazaqstan Prezıdenti Nursultan Nazarbaev NATO-nyń Bas hatshysy Vıllı Klaspen kezdesti.
* 31 qańtarda Prezıdent N.Á.Nazarbaev Shveısarııanyń Davos qalasyndaǵy Búkil dúnıejúzilik ekonomıkalyq forýmdaǵy kezdesýlerin aıaqtady. Elbasy kóptegen memleketter basshylary men álemdik bıznes ókilderine respýblıkanyń munaı jáne gaz oryndarynyń baılyǵyn birlese ıgerý jónindegi jobalardy usyndy.
*8 aqpanda Qytaı ıadrolyq klýbtyń múshesi bola otyra, Qazaqstanǵa qaýipsizdik kepildigin berdi.
* 10 aqpanda Almatyda Qazaqstan, Qyrǵyzstan jáne О́zbekstan Prezıdentteri kezdesti. Kezdesý barysynda Nursultan Nazarbaev, Asqar Aqaev, Islam Karımov Ortalyq Azııada birtutas ekonomıkalyq keńistik kurý týraly qol jetken ýaǵdalastyq sheńberinde úsh eldiń birlesken kúsh-jigerimen atqarylǵan jumysqa taldaý jasady.
* 1 naýryzda eldegi qoǵamdyq turaqtylyq jáne ultaralyq tatýlyqty nyǵaıtý maqsatynda Prezıdenttiń janynan konsýltatıvtik keńesshi organ retinde Qazaqstan halyqtarynyń Assambleıasy quryldy.
* 3 naýryzda Prezıdent N.Á.Nazarbaev Túrikmenstannyń Dashhovýz qalasynda Ortalyq Azııa memleketteri basshylarynyń Aral problemalary jónindegi keńesine qatysty.
* 24 naýryzda Prezıdent janyndaǵy qoǵamdyq konsýltasııalyq-keńesshi organ – Qazaqstan halyqtary Assambleıasynyń I sessııasy ashyldy. Sessııada Assambleıanyń Tóraǵasy, Prezıdent N.Á.Nazarbaev baıandama jasady.
* 1 sáýirde Qarjy mınıstrliginiń Bas keden basqarmasynyń negizinde Mınıstrler Kabıneti janynan Keden komıteti quryldy.
* 10 sáýirde Qazaqstanǵa resmı saparmen GFR Prezıdenti R. Hersog keldi. Prezıdentter Nursultan Nazarbaev pen Roman Hersog Qazaqstan men Germanııanyń arasyndaǵy baılanystyń mańyzdy máseleleri jaıynda áńgimelesti.
*12 sáýirde Máskeýde Qazaqstannyń Reseıdegi elshiligi men Reseı Federasııasy Mádenıet mınıstrliginiń uıymdastyrýymen Abaıdyń 150 jyldyǵyna arnalǵan is-sharalar bastaldy. Kóp uzamaı Abaı kúnderi Anglııada, Germanııada, Qytaıda, Fransııada, Túrkııada, álemniń taǵy basqa kóptegen memleketterinde ótkiziletini habarlandy.
* 14 sáýirde Shymkentte Ortalyq Azııadaǵy úsh memleket – Qazaqstan, О́zbekstan, Qyrǵyzstan basshylarynyń jumys barysyndaǵy kezdesýi boldy. Onda úsh el arasyndaǵy 2000 jylǵa deıingi ekonomıkalyq yqpaldasý baǵdarlamasy muqııat qaralyp, maquldandy.
* 21 sáýirde Prezıdent Nursultan Nazarbaev Almaty meshitinde boldy. Osy qasıetti orynda órbigen áńgime kezinde Prezıdenttiń Qaǵbaǵa birinshi kirgen qazaq ekeni atap ótildi.
*24 sáýirde jaýyngerlik erligi úshin jazýshy Qasym Qaısenovke, zeınetkerler Alekseı Karpovıch Kýlakov pen Mýrdın Taıpovke «Halyq qaharmany» ataǵy berilip, Altyn Juldyz tapsyryldy, sondaı-aq, kóptegen soǵys ardagerleri ordendermen, medaldarmen nagradtaldy.
*29 sáýirde Qazaqstan Prezıdenti Nursultan Nazarbaevtyń ókilettigin 2000 jyldyń 1 jeltoqsanyna deıin uzartý jóninde búkilhalyqtyq referendým bolyp ótti. Ortalyq saılaý komıssııasynyń derekteri boıynsha, referendýmǵa tizimge engizilgen saılaýshylardyń 91,3 paıyzy qatysqan. Olardyń 95,4 paıyzy bıýlletenge engizilgen suraqqa oń jaýap bergen, ıaǵnı Nursultan Nazarbaevtyń prezıdenttik ókilettigin 2000 jyldyń 1 jeltoqsanyna deıin uzartýdy jaqtaǵan.
* 5 mamyrda Memleket basshysynyń rezıdensııasynda Nursultan Nazarbaevqa búkilhalyqtyq referendým qorytyndysy boıynsha onyń ókilettik merziminiń 2000 jylǵy 1 jeltoqsanǵa deıin uzartylǵandyǵy týraly Ortalyq saılaý komıssııasy kýáligin tapsyrýdyń saltanatty rásimi boldy.
*15-18 mamyr aralyǵynda Prezıdent N.Á.Nazarbaevtyń Koreıa Respýblıkasyna sapary boldy. Sapar barysynda Koreıa Respýblıkasynyń Prezıdenti Kım En Sammen jáne eldiń isker ókilderimen kezdesti.
* 20 mamyrda О́zbekstan Respýblıkasynyń Qazaqstandaǵy kúnderi bastaldy. Osydan bir jyl buryn О́zbekstanda Qazaqstan kúnderi ótken bolatyn.
* 26 mamyrda Qazaqstannyń ıadrolyq tarıhynda máni zor oqıǵa boldy: burynǵy Semeı polıgonynyń aýmaǵynda sońǵy ıadrolyq zarıad joıyldy. Osyǵan oraı Qazaqstan Prezıdentiniń Respýblıkanyń barlyq azamattaryna Úndeýi jarııalandy.
Ol «Egemen Qazaqstan» gazetiniń 27 mamyrdaǵy nómirine basyldy.
*6 maýsymda Memleket basshysy N.Á.Nazarbaev Jenevada ótkiziletin Birikken Ulttar Uıymynyń qarýsyzdaný jónindegi sessııasyna barar jolda Parıjde qysqa ýaqytqa toqtap, Fransııa Prezıdenti Jak Shırakpen áńgimelesti. Saıası máselelerdi talqylaý kezinde N.Á.Nazarbaev ıadrolyq qarýdy taratpaý jáne ıadrolyq derjavalar tarapynan Qazaqstannyń qaýipsizdigine kepildik berý taqyrybyna toqtaldy.
