Salyq saıasatyn túsindirdi

Ulttyq ekonomıka mınıstri  Qýandyq Bıshimbaev jurtshylyqpen salyq saıasatynyń negizgi baǵyttaryn talqylady jáne Salyq kodeksine engiziletin ózgerister týraly aıtyp berdi. Prezıdent Nursultan Nazarbaev Parlament sessııasyn ashqan kezde, depýtattar men Úkimet jumys jasaıtyn zań jobasy adamdardyń ómirin jaqsartýǵa jáne eń mańyzdy máselelerdi sheshýge baǵyttalǵanyna nazar aýdara kelip, azamattarǵa zańnamalyq jańalyqtar týraly naqty aqparat berý úshin túsindirme jumystaryn júrgizý qajettigin atap aıtqan edi. Juma kúni bolyp ótken salyq saıasatyn talqylaýǵa Ulttyq ekonomıka mınıstrliginiń, Qarjy mınıstrliginiń, Ulttyq banktiń, Energetıka mınıstrliginiń, Memlekettik kirister komıtetiniń, «Atameken» ulttyq kásipkerler palatasynyń, taýar óndirýshiler qaýymdastyǵy men qoǵamdyq uıymdardyń, buqaralyq aqparat quraldarynyń ókilderi qatysty. Ulttyq ekonomıka mınıstrligi Qarjy mınıstrligimen birlesip qolaıly kásipkerlik ortany qalyptastyrýǵa baǵyttalǵan salyq salý jáne kedendik ákimshilendirýdi jetildirý boıynsha zań jobasyn ázirledi. «Asyl tuqymdy mal bazasyn ulǵaıtý úshin otandyq aýylsharýashylyq ónimin óndirýshilerdi qoldaý maqsatynda ımporttalǵan asyl tuqymdy maldyń ólýi jáne májbúrli soıylýy kezinde tabıǵı kemý normatıvteri sheginde QQS boıynsha jeńildikterdi qoldaný usynylady», – dedi mınıstr. Budan basqa, alkogol ónimderine aksızderdi kezeń-kezeńmen ulǵaıtý kózdelgen. Zań jobasynda salyqtyq jáne kedendik ákimshilendirý bóliginde salyq jáne kedendik daýlardy sotqa deıingi retteý, barlyq QQS tóleýshiler úshin mindetti elektrondy shot-faktýralardyń kóshirmesine kezeń-kezeńmen kóshý, salyqtyq nemese kedendik tekserýler júrgizý barysynda e-aýdıt (elektrondy aýdıt) engizý merzimderin aýystyrý, salyqtyq eseptilik nysandaryn ońtaılandyrý boıynsha túzetýler kózdelgen. Mereke TAŃATAROV