WBA Djeıkobstyń Golovkınmen syıaqyny bólý týraly suranysyn qanaǵattandyrmady

Búkilálemdik boks qaýymdastyǵy (WBA) Gennadıı Golovkın men amerıkandyq Denıel Djeıkobs arasynda ótýi tıis kezdesýdegi syıaqyny bólý erejelerin ózgerissiz qaldyrdy. Buǵan deıin Djeıkobstyń toby WBA-dan bolashaq kezdesýdegi syıaqyny bólýdi ózgertýin suraǵan edi. WBA-nyń arnaıy komıssııasy bul suranysty qarap, ereje boıynsha belgilengen syıaqyny qaldyrdy. Sýperchempıon retinde Golovkın kezdesýden túsken jalpy qarajattyń 75 paıyzyn alady, al turaqty chempıon Djeıkobs - 25 paıyz alatyn boldy. Buǵan deıin amerıkandyq kásipqoı boksshy 60/40 qatynasynda bólýdi suraǵan edi. «WBA 16 ret ataǵyn qorǵaǵan Golovkınnyń eńbegin baǵalap osyndaı sheshim shyǵardy. Ol alty jyl qatarynan WBA chempıony jáne uıym óziniń erejelerin ózgerissiz qaldyrǵanyna qýanyshtymyz. Sonymen qatar, bul sheshim Djeıkobstyń tobymen kelissózder júrgizýge keri áser etpeıdi dep oılaımyn», - dep WBA-nyń sheshimine Golovkınnyń promoýteri Tom Leffler suhbat berdi. Denıel Djeıkobs – amerıkandyq kásipqoı boksshy. WBA tujyrymdamasy boıynsha álem chempıony, NABF nusqasy boıynsha Soltústik Amerıka chempıony. Kásibı boksqa 2007 jyly 8 jeltoqsanda kelgen. Sońǵy jekpe-jegin 2016 jyldyń 9 qyrkúıeginde Serhıo Maroǵa qarsy ótkizip, chempıondyq ataǵyn saqtap qaldy. 33 kezdesý ótkizip, onyń 32-isin jeńispen aıaqtaǵan. Sonyń ishinde 29 jekpe-jekti ýaqytynan buryn nokaýtpen jeńgen. 2010 jyly Dmıtrıı Pırogpen judyryqtasyp, jeńilis tapqan.