Rım 2024 jylǵy olımpıadany ótkizýden resmı túrde bas tartty

Italııa ulttyq olımpıada komıteti 2024 jylǵy olımpıada oıyndaryn ótkizý úmitkerliginen Rım qalasynyń kandıdatýrasyn resmı túrde alyp tastady. Bul týraly BBC orys qyzmeti habarlaıdy. «Búgin bizdiń ótinishimizdi alyp tastaý týraly Halyqaralyq olımpıada komıtetine hat jazdym», – dep málimdedi komıtet basshysy Djovannı Malago. Al Rım qalasynyń meri qyzmetine osy jyldyń maýsym aıynda saılanǵan Vırdjınııa Radjı saılaýaldy kampanııasy kezinde-aq Italııa astanasynda olımpıada ótkizýdi qoldamaıtynyn aıtqan edi. 21 qyrkúıek kúni el astanasy endi olımpıada oıyndaryn ótkizýge úmitker bolmaıtyndyǵyn jarııalady. Keıin bul sheshimge qalalyq keńes otyrysynda ratıfıkasııa jasalǵanmen, Ulttyq olımpıada komıteti qarsylyq bildirgen edi. Budan buryn Vırdjınııa Radjı Rımniń mıllıard dollar qaryzy bar ekenin, sol sebepti olımpıada ótkizý úshin jasalatyn qymbat ınvestısııa tartýǵa jaǵdaıy joq ekenin aıtqan bolatyn. Onyń oıynsha tórt jyldyqtyń basty dodasyn ótkizý úshin aqsha jumsaǵansha, qoqys jınaý men jemqorlyqpen kúreske qarjy bólgen tıimdirek. 2024 jylǵy jazǵy olımpıada jáne paralımpıada oıyndaryn ótkizetin qala 2017 jyly 13 qyrkúıekte belgili bolady. Qazirgi tańda úmitker retinde Los-Andjeles, Parıj jáne Býdapesht qalalary qalyp otyr.