13 Qazan, 2016

Nobeldiń ádebıet boıynsha syılyǵy rok-mýzykantqa berildi

430 ret
kórsetildi
1 mın
oqý úshin
bob   Amerıkan aqyny ári mýzykant Bob Dılan Nobel syılyǵynyń ádebı saladaǵy laýreaty atandy dep habarlaıdy BBC News. Syılyq oǵan «Amerıkanyń keremetteı án dástúri aıasynda jańa poetıkalyq til týǵyzǵany úshin» degen formýlırovkamen berildi. Bob Dılan 1941 jyly Mınnesotada dúnıege kelgen. Alǵashqy albomyn 1962 jyly shyǵardy. Búginge deıin barlyǵy 35 albom jarııalady. Onyń ánderi AQSh-ta soǵysqa qarsy jáne azamattyq quqyqtar úshin kúresetin qozǵalystardyń beıresmı ánuranyna aınalǵan. 2010 jyly Rolling Stone jýrnaly júrgizgen saýalnama qorytyndysy boıynsha Dılan rok-mýzykada Bıtlzdan keıin nómiri ekinshi oryndaýshy bolyp tanyldy. Al Time jýrnaly ony HH ǵasyrdaǵy eń yqpaldy 100 adamnyń qataryna qosty. Nobeldiń jarǵysynda «Ádebıet degenimiz tek belletrıstıka ǵana emes, oǵan formasy jáne stıli boıynsha ádebı qundylyǵy bar basqa da shyǵarmalardy jatqyzýǵa bolady» dep jazylǵan.
Sońǵy jańalyqtar

Elimizde 32 gradýsqa deıin kún ysıdy

Aýa raıy • Búgin, 14:52