NTV júrgizýshisi QR medıanaryǵy týraly pikirin aıtty

NTV telearnasynyń júrgizýshisi Lılııa Gıldeeva Astanada ótip jatqan О́ńirlik BAQ forýmyna qatysyp, qazaqstandyq medıa-naryqtyń menedjmenti týraly óz oıyn aıtty, dep habarlaıdy Today.kz. "Meniń oıymsha, qazaqstandyq medıanaryq Reseıdiń 90-jyldary ótip ketken kezeńine aıaq basty. Bul qarjy jetispeýshiligi. Sonymen qatar konvergenttilik. Sebebi qazir ómirlerińizge Internet kirdi. Biraq sizderde bizdiń sol kezeńimizben salystyrǵanda múmkindikter kóp", - dedi Gıldeeva. Jýrnalıstiń aıtýynsha, óńirlik BAQ - qozǵaýshy kúsh. "15 jyl buryn men kishkentaı ǵana óńirlik telearnada istedim. Qarajat jetspeýshiligi demekshi, 90-jyldary erekshe qıyn boldy. Men qarajaty múldem joq telearnada istedim desem de bolady. Sondyqtan barter degenniń ne ekenin jaqsy túsinemin. Sizderge ondaı jaǵdaıdy bastan ótkermeýlerińizdi tileımin!", - dedi ol. Jýrnalıstiń aıtýynsha, shetelderde turatyn otandastary úshin de qyzmet etýdi esten shyǵarmaý kerek. "Joǵary maqsat qoıý kerek. Otandastaryń úshin, qandastaryń úshin jumys isteý kerek. Eshteńeden qoryqpańyzdar!", - dep qorytyndylady sózin Lılııa Gıldeeva.