Brazılııa Federatıvtik Respýblıkasyndaǵy Qazaqstan Respýblıkasynyń Elshisi Qaırat Sarjanov Brazılııanyń Sport mınıstri Leonardo Pıchchıanımen kezdesý ótkizdi. Kezdesý barysynda mınıstrge Qazaqstannyń 25 jyldyq táýelsizdiginde qol jetkizgen jetistikteri týraly baıandady jáne Qazaqstan men Brazılııanyń sport salasyndaǵy ekijaqty yntymaqtastyǵynyń damýyn talqylady, dep habarlaıdy QR SIM baspasóz qyzmetinen.
Qazaqstandyq dıpmıssııanyń basshysy Rıo-de-Janeırodaǵy jazǵy Olımpıadalyq jáne Paralımpıadalyq oıyndardyń sátti ótkendigin atap ótip, qazaqstandyq sportshylar oıyndardyń eń belseńdi qatysýshylarynyń biri bolǵandyǵyn basyp aıtty. Elshi Qazaqstan men Brazılııa úlken olımpıadalyq jetistikterge qol jetkizip, ózderiniń Olımpıadalyq oıyndarǵa qatysý tarıhtarynda birinshi ret sáıkesinshe 17 jáne 19 medaldy jeńip, rekordtyq nátıje kórsetkenderine toqtaldy. О́z kezegińde, Brazılııanyń Sport mınıstri qazaqstandyq quramanyń daıyndyǵyna joǵary baǵa berip, qazaqstandyq sportshylardyń boks, aýyr atletıka jáne júzý boıynsha sport jarystarynda kórsetken óneri tek brazılııalyq aýdıtorııanyń esinde ǵana qalyp qoımaı, álemdegi búkil sport jańashyrlaryn tánti qyldyrǵandyǵyn aıtty.
[caption id="attachment_75373" align="alignnone" width="800"]
17 de Qarembro de 2016 - Min Leonardo Picciani recebe oEmbaixador do , KAIRAT SARZHANOV. Foto: Roberto Castro/ME[/caption]
Taraptar kelesi jyldyń qańtar-aqpan aılarynda Almaty qalasynda ótetin 28-shi Búkilálemdik qysqy Ýnıversıadaǵa brazılııalyq sportshylardyń qatysýyna bólek toqtaldy. Elshi Mınıstrge kele jatqan is-shara týraly prezentasııalyq materıaldardy usynyp, Ýnıversıadaǵa brazılııalyq sportshylar men jankúıerlerdiń qatysatyndyǵyna úmit bildirdi. Bul oraıda, ol qyrkúıek aıynda kúshine engen elderimiz arasyndaǵy azamattardyń ózara vızasyz saparlary týraly kelisim Qazaqstan men Brazılııa arasyndaǵy sporttyq baılanystar men týrıstter leginiń artýyna ákelip soqtyratynyn atap ótti.
L.Pıchchıanı halyqaralyq dárejedegi osyndaı mańyzdy sport is-sharasyna brazılııalyq taraptyń qatysýyn qamtamasyz etýde óz qolǵabysyn tıgizetinine sendirdi. Taraptar sporttyń halyqaralyq qatynastarda mańyzdy ról atqaratynyna, al eldiń sporttyq jetistikteri memlekettiń sheteldegi jaǵymdy beınesin quratynyna, memleketter arasyndaǵy ózara túsinistikti jaqsarta otyryp, adamdardy odan saıyn yntamaqtastyqqa shaqyratynyna kelisti.
