Batyrlyq dastany

Jaqynda Almaty qalasynda general I.V.Panfılov bastaǵan 316-shy atqyshtar dıvızııasyna qarasty 28 jaýyn­gerdiń Máskeý túbindegi qaıtalanbas qaısar erligi týraly «28 panfılovshy» atty kórkem fılmniń tanys­tyryly­my ótken bolatyn. Alǵashqy kórsetilimniń qur­metti qonaqtarynyń biri, Pan­fılov dıvızııasy 1075-shi at­qyshtar polkine qarasty 2-shi batalonnyń 4-shi rotasynyń jaýyn­geri Musabek Seńgirbaevtyń neme­resi Tólegen Musabekov Qa­zaq­stan tarıhy úshin orny bó­lek Ekin­shi dúnıejúzilik soǵys, onyń ishinde basynan baqaıshaǵyna deıin muzdaı qarýlanǵan jaýdyń joı­qyn kúshine tosqaýyl qoıa bil­gen qazaqtyń qaharman batyr ul­dary týraly áli de shertilmegen syr men shyrqalmaǵan jyr jetip-artylatynyn alǵa tartty. – Fılm óte jaqsy túsirilipti. Oqıǵa nanymdy. Máskeý mańyn­daǵy qantógis shaıqastarǵa qatysý­shylardyń biri bolǵan Ivan Shadrındi óz kózimmen kórgen bolatynmyn. Ol bizderge, mektep oqýshylaryna, 1941 jyldyń qarashasynda oryn alǵan úreıli kúnderdiń oqıǵalary týraly jıi áńgimelep beretin, – dedi Tólegen Tileýhanuly. Panfılovshy erjúrek batyr­dyń nemeresi tilge tıek etkendeı, Keńes Odaǵynyń batyry I.D. Shadrın Máskeý qalasyn fashıst áskerleri shabýylynan qorǵaý barysynda qaza tapqan qarýlas dostaryn beıbit ómirde jıi eske alyp, olar jaıynda esten ketpes áserli áńgimeler aıtýdan esh jalyqpaıtyn. «Ekrandyq týyndy shynymen halyqtyq fılmge, qarapaıym kórermenniń súıikti dúnıesine aınalyp úlgerdi. О́ıtkeni, bul sol kezdergi keńestik patrıotızmniń naǵyz úlgisi ispetti, eldiń bas qalasy Máskeýdi dushpannyń aıa­ǵyna taptatpaý úshin ómirlerin qurban etken kóp ultty halyqtyń ǵalamat erlik joryǵyn baıandaıtyn fılm. Olardyń munan basqa sharasy joq bolatyn, óıtkeni artqa sheginerge jol joq, sál-aq bosańsyp, boryqsha egilse alyp Máskeýdi jaý alyp tynǵaly tur, sondyqtan ony qandaı jaǵdaıda da barynsha qorǵap qalý qajet degen tapsyrma berilgen», dep áń­gimesin jalǵastyrdy T.Musabekov. Sonymen qatar, ol Panfılov dıvızııasyndaǵy 28 erjúrek jaýyngerdiń ishinde qazaqtar, ýkraındar, qyrǵyzdar men orys­tar bolǵandyǵyn aıryqsha atady. «Atalarymyzdyń kóbi orys tilinde sóılep jarytpaǵanmen, bergen tapsyrmany múltiksiz oryn­dap, Otan úshin keýdelerin oqqa tosty. Jer-anany qorǵaýda janyn pıda etti. Bul olardyń rýhtarynyń qanshalyqty myqty bolǵandyǵyn kórsetedi», deı ke­lip ol: «Jastyǵyna qaramastan, fılmniń túsirý toby sol ýaqyt­tyń oqıǵalaryn, Volokolam qaq­tyǵystarynyń qorqynyshtary men qatygezdigin kórsete aldy. Men olarǵa batyr panfılovshylardy máńgi este saqtaý isine qosqan úlesi úshin alǵys aıtyp, osy joldaǵy izdenisterdi jalǵastyra otyryp, bolashaqta budan da keremet týyndylar jasaıtyndyǵyna úmi­timdi bildiremin. Sonymen qatar, Qazaqstan Respýblıkasynyń Má­denıet jáne sport mınıs­tr­ligine de bul jobaǵa qoldaý kór­setkenderi úshin rızamyn, óıt­keni atalmysh fılm óskeleń ur­paqty patrıottyq rýhta tár­bıe­leýde erekshe mańyzǵa ıe. 28 panfılovshynyń erligi – ba­tyldyq pen janqııarlyqtyń daý­syz úlgisi. Fılm jalpy kór­se­tilimge shyqqannan keıin kó­rer­mender kınotýyndyny túsi­rýshi toptyń eńbegine ózderiniń laıyqty baǵasyn beretindigine úmit­tenemin», dep tebirendi. Aıta ketý kerek, Almatydaǵy «28 panfılovshy» fılminiń tanys­tyrylymy barysyn­da Tólegen Musabekov kıno­týyndynyń rejısserleri An­dreı Shalopa men Kım Drý­jı­nınge, sondaı-aq Musabek Seń­girbaevtyń rólin somdaǵan akter Azamat Nyǵmanovqa «Musabek Seńgirbaevtyń 100 jyldyǵy» me­reıtoılyq tósbelgilerin tabys etti. Qarashash TOQSANBAI, «Egemen Qazaqstan»