I.Omarov atyndaǵy Qostanaı qazaq drama teatry kórermenderge Á.Nurshaıyqovtyń «Mahabbat, qyzyq mol jyldar» romanynyń jelisi boıynsha qoıylǵan spektakldi usyndy. Roman jelisi sonaý soǵystan keıingi jyldardyń oqıǵasy bolsa da, jastyq, romantıka, mahabbat taqyryby qaı ýaqytta da ózekti. О́ıtkeni aq pen qaranyń, adaldyq pen aramdyqtyń, sulýlyq pen dórekiliktiń qaıshylyǵy ómirdiń bitispes kúresi. Spektaklde soǵystan aman qaıtqan Erbol men adal da, sulý, sezimi de ózi sekildi móldiregen Meńtaıdyń arasyndaǵy mahabbat arqyly jazýshy máńgi jastyqty jyrlaıdy.
Spektakldi T.Júrgenov atyndaǵy óner akademııasynan endi túlep ushqan jas rejısser Dos Muqash sahnalady. Meńtaıdyń rolin Jibek Úsenova, Erboldy Tólendi Alǵojın somdady.
Spektaklde teatr esigin bıyl ǵana ashqan jas akterler oınady. Olardyń barlyǵy da keıipkerlerin shynaıy shyǵarýymen kórermenderdiń qoshemetine bólendi.
Názıra Járimbetova,
"Egemen Qazaqstan".
Qostanaı
