Zııatkerlik menshik salasyndaǵy ákimshilik kedergiler azaıady

QR Úkimet otyrysynda «Zııatkerlik menshik salasyndaǵy zańnamany jetildirý máseleleri boıynsha Qazaqstan Respýblıkasynyń keıbir zańnamalyq aktilerine ózgerister men tolyqtyrýlar engizý týraly» Zań jobasy talqylandy. Zań jobasyn Memleket basshysynyń tapsyrmasy aıasynda zııatkerlik menshik salasyndaǵy EYDU standartynyń júıesine kóshý boıynsha vedomstvoaralyq jumys toby ázirlep, zańnamanyń zııatkerlik menshik salasynda jaqsartýǵa baǵyttaldy. Atap aıtqanda, taýar belgileri jáne ónerkásiptik menshik nysandary, sondaı-aq zııatkerlik menshik salasyndaǵy ákimshilik kedergilerdiń azaıýy. Barlyǵy 12 zańnamalyq aktige 188 ózgertýler men tolyqtyrýlar engizý usynyldy. Sonymen qatar zań jobasyndaǵy zııatkerlik menshik salasyndaǵy zańnamaǵa ózgertýler men tolyqtyrýlar engizý máselesi boıynsha zııatkerlik menshik salasynyń nysandaryn rásimdeý men tirkeý jumystary «bir tereze» qaǵıdasy arqyly júrgiziledi. Bul týraly Ádilet mınıstri Marat Beketaev Úkimettiń kezekti otyrysynda zııatkerlik menshik salasyndaǵy zańnamany jetildirý boıynsha ózgerister men tolyqtyrýlar engizý usynǵan zań jobasynda baıandady. Belgili bolǵandaı, qazir Qazaqstanda ótinimderdi jáne saraptamalardy qabyldaý saraptama uıymdarynda, zııatkerlik menshik salasynyń nysandaryna quqyqty tirkeý Ádilet mınıstrliginde júrgiziledi. Al mundaı jumys EYDU elderinde, atap aıtqanda AQSh, Portýgalııa, Japonııa, Shveısarııa, Germanııa, Qytaı, Ońtústik Koreıa elderinde bir vedomstvoda «bir tereze» qaǵıdasy arqyly júzege asyrylady. Aıta keteıik, bul zań jobasy zııatkerlik menshik salasyndaǵy ákimshilik kedergilerdi azaıtýǵa baǵyttalǵan. Aıan Ábdýálı, "Egemen Qazaqstan".