«Kontrafakt» jedel-profılaktıkalyq is-sharasy ótti

Respýblıka aýmaǵynda aqparattandyrý salasynda qylmystyq quqyq buzýshylyqty anyqtaýǵa, jolyn kesýge jáne ashýǵa, sonymen qatar, erkin saýdaǵa tyıym salynǵan ónimderdi zańsyz daıyndaıtyn, basyp shyǵaratyn jáne taratatyn adamdardy anyqtaýǵa baǵyttalǵan «Kontrafakt» jedel-profılaktıkalyq is-sharasy (budan ári-JAISh) ótkizildi, dep habarlaıdy QR IIM Baspasóz qyzmeti.  JAISh-di júrgizý barysynda 248 quqyq buzýshylyq anyqtaldy. Onyń ishinde 194 fakt boıynsha avtorlyq quqyq buzýshylyq, 3 fakti aqparatty quqyqqa syıymsyz ıelenip alý, 1 fakti qurylǵynyń IMEI-kodyn ózgertý anyqtaldy. Budan basqa aqparattyq tehnologııany qoldaný arqyly 2 ulyq jáne ınternet-tutynýshyǵa qatysty 6 alaıaqtyq tirkelgen. Erkin saýda aınalymyndaǵy 19,8 myń dana tyıym salynǵan ónimder tárkilendi. Onyń ishinde 19,5 myń kontrafaktilik CD-DVD dıskiler, 240 lısenzııasy joq baǵdarlamalyq jasaqtama jınaqtaǵyshtar, 7 arnaıy tehnıkalyq qural jáne 166 dana basqa kontrafaktilik ónimder. Máselen, Astana qalasynda saýda úıleriniń birinde kontrafaktilik aýdıo-beıne ónimderdi daıyndaıtyn jáne taratatyn seh tabyldy. Kompıýterlik tehnıka, DVD dıskiler jáne USB-jınaqtaǵyshtar tárkilendi. Qaraǵandy qalasynda arnaıy tehnıkalyq quraldardy taratý faktisi anyqtaldy. Dálirek aıtsaq, jasyryn paıdalaný úshin aýdıo-beıne kamerasy ornatylǵan qalam.