Saılaý ýchaskelerindegi daıyndyq talapqa saı

Keshe Almatyda qalalyq saılaý komıssııasynyń búgingi tańda­ǵy basty is-sharaǵa arnalǵan kezekti otyrysy bolyp ótti. Jı­ynda Almaty qalalyq saılaý ko­mıssııasynyń tóraǵasy Ádil Jú­ni­sov jınalǵandarǵa kún tárti­bin­degi másele jóninde jan-jaqty  baıandap berdi. Ádil Máýlenuly­nyń aıtýynsha, bıylǵy jylǵy  13 naýryzdaǵy málimet boıynsha Almaty qalasyndaǵy saılaýshy­lar sany 955525 adamdy quraıdy. Sonymen qatar, ońtústik astanada bir qalalyq, jeti aýdandyq jáne 467 ýchaskelik saılaý komıssııa­lary jumys isteýde. Eń bastysy, ýchaskelik saılaý komıssııalary­nyń ózderine júktelgen qyzmetti sapaly jáne jaýapkershilikpen, anyǵyraq aıtqanda, joǵary talap deńgeıinde atqarýy úshin qolaıly jaǵdaı jasaý is-sharalary keńinen qarastyrylýda. – Uıymdastyrý is-sharala­ryn­da, ásirese saılaýshylarǵa, pre­­zıdenttikke kandıdattardyń se­nimdi ókilderi men baıqaýshy­larǵa arnalǵan qajetti aqparat­tar­dyń tolyq deńgeıde qamtylýy basty shart. Soǵan oraı, bul ba­ǵytta birqatar jumystar júr­gi­zilip, daıyndyq jumystary ta­lapqa saı. Sóz reti kelgende atap aıtarlyǵy, saılaýshylarǵa arnal­ǵan málimetter qalalyq basy­lym­dar «Almaty Aqshamy» men «Vechernıaıa Almatyda» jarııalandy. Al, munyń ózi túsinispestikti joıýda kómektesetini sózsiz. Baqy­laý­shylar jaǵdaıyna kelsek, biz­diń aldyn-ala esepteýimiz boı­ynsha qaladaǵy árbir saılaý ýchaskesi boıynsha birshama baqy­laý­shylar qatysa alady. Bıylǵy saılaýdyń taza ári ádiletti ótýi de baqylaý­shylar belsendiligine tikeleı baı­lanysty, – deıdi Ádil Júnisov. Bul oraıda, aıta ketetin taǵy bir jáıt, qalalyq saılaý komıs­sııa­sy jumysyna qolbaılaý bol­ǵan jaǵdaılar da kezdesken. Má­se­len, respýblıkadaǵy eń iri shahar, mıllıonnan astam turǵyny bar qaladaǵy jańa aýdandardyń tur­ǵyn­daryn der kezinde taýyp, tirkeý jumysy birqatar kúrdelilik týdyrǵan. Degenmen, qalalyq ádi­let basqarmasy, halyqqa qyzmet kórsetý ortalyǵy mamandarynyń kómegimen bul túıtkil sheshilgen. Saılaý komıs­sııa­synyń óz jumy­syn tııanaqty jáne iskerlikpen júrgizýi nátı­je­sinde, barlyq ýchas­keler memlekettik rámizder­men jáne ózge de qajetti qujat­tarmen qamtamasyz­dandyrylady. Sondaı-aq, árbir saılaýshyǵa shaqyrý bıletterin jiberý qolǵa alynǵan. Baqyt BALǴARINA. Almaty.