«Densaýlyq joly» aksııasy shalǵaı aýyldarǵa shaqyrady

Oblystyq densaýlyq saqtaý bas­qarmasy medısınalyq-sanıtarlyq kó­mektiń sapasyn jaqsartyp, shal­ǵaı­daǵy aýyl turǵyndaryna dáriger­lik qyzmettiń túrin ulǵaıtý maq­sa­tynda «Densaýlyq joly» aksııasyn uıymdastyrdy. Quramynda salamatty ómir sal­tyn qalyptastyrý ortalyǵynyń ma­mandary, gınekolog, pedıatr, balalar travmatolog-ortopedi, ftızıatr sı­ıaq­ty bilikti dárigerleri bar avtokerýen jaqynda oblystyń 10 aýdanyna eki baǵyt boıynsha jolǵa shyqty. Sonymen birge, bıyl oblysta shal­­ǵaı aýyldardaǵy medısınalyq pýnkt­ter men emhana, aýrýhanalardy jáne olardyń qural-jabdyqtaryn ja­ńartý, eldi mekenderdegi medısına­lyq qyz­met­tiń sapasyn arttyrý ba­ǵytynda bir­shama ońdy ister qolǵa alynýda. Mysaly, halyqtyń ómir súrý ja­syn uzartýdyń bir sharty – aýrýdyń aldyn alyp, ony jan-jaqty emdeý bolyp tabylady. Mine, osy maqsatta shalǵaı aýyl turǵyndary aýrýla­ry­nyń aldyn alyp, dıagnozdaryn dál qoıý úshin jaqynda oblysqa 2 jyl­jymaly keshen alynbaq. Onyń bireýi – Shý, Merki aýdandary mańyndaǵy turǵyndarǵa, ekinshisi – Sarysý, Talas aýdandary eldi mekenderiniń tur­ǵyndaryna sapaly qyzmet etpek. Kósemáli SÁTTIBAIULY. Jambyl oblysy.