Áleýmettiń áleýetin kóterý jolynda

Elordadaǵy jýrnalıster úıinde Qazaqstan Respýblıkasynyń prezıdenttigine kandıdat Jambyl Ahmetbekovtiń «Jambyl Ahmetbekovtiń halyqtyq úsh bastamasy» atty jańa saılaýaldy baǵdarlamasyna arnalǵan baspasóz máslıhaty ótti. Jıynǵa Qazaqstannyń Kommýnıstik halyqtyq partııasynyń ókilderi, jýrnalıster qatysty. Shara barysynda el prezıdenttiginen úmitker saılaýshylar amana­tyna súıene otyryp, kedeıshilik, ju­myssyzdyq, tarıfterdiń ósýi syndy máselelerdi qozǵady. «Jańa áleýmettik baǵyt sheń­be­rin­degi birinshi bastama» – bul kún­kó­ris­tiń eń tómengi kórsetkishin kópte­gen órkenıetti elderde qoldanylatyn standarttar boıynsha anyqtaý ádisin engizý. Atalǵan ádis halyqtyń kem degende jartysy tutynatyn taýarlar men qyzmetterdi eń tómengi tutyný bıýdjetiniń quramyna qosýǵa negizdelgen. Orta eseppen alǵanda Qa­zaq­stan úshin ol adam basyna shaqqanda 200 000 teńgeni quraıdy. Mysal retinde qaras­tyrsaq, damyǵan elderde halyqtyń ortasha tabysynyń 40-50 paıyzy kedeıliktiń eń joǵarǵy shegi bolyp esepteledi», – dedi kandıdat óz sózinde. Sondaı-aq, ol qazaqstandyq joǵa­ry oqý oryndary túlekteriniń birinshi ret jumysqa ornalasýlaryna memlekettik kepildik berýdi engizýge bas­ta­mashy bolatynyn aıtty. «Birinshi jumys ornyna kepildik berý jas mamannan jumysqa ornalasýy kezinde ma­mandyǵy boıynsha 3 jyl jumys ótilin suraý sekildi kedergiden shy­ǵa­rar jol bolyp tabylady. Basy artyq oqý oryndary, mamandyǵy boıynsha jumys isteý, dıplomy bar jumys­syz­dar, kásibı biliktiliginen aıyrylý, jumyssyzdar sany men bilikti kadrlarǵa degen suranystyń sáıkes kelýi – búgingi kúnniń kókeıkesti má­se­lesi, problemalary. Qazaqstan – hal­qy jas memleket. Sondyqtan árbir azamat ózin ózi qamtamasyz etý múm­kin­digine ıe bolýy tıis», degen oıyn jet­kizdi bul týrasynda J.Ahmetbekov. Kandıdat óziniń saılaýaldy baǵ­dar­lamasyna sáıkes Qazaqstannyń tur­ǵyn úı-kommýnaldyq sharýashy­ly­ǵy máselesin de kóterdi. «Elimizde júr­gizilip otyrǵan turǵyn úı-kom­mý­nal­dyq sharýashylyq saıasaty qury­lys, kommýnaldyq jáne energe­tıka­lyq monopolııalardy baıytýǵa baǵyt­tal­ǵan. Turǵyn úı-kommýnaldyq sha­rýa­shylyq qyzmetterdiń tarıfteri men baǵalary óte joǵary jáne úzdik­siz ósý ústinde, al olardyń sapasy ba­ǵa­laryna sáıkes kelmeıdi. Halyqtyń kommýnaldyq tólemderdi tóleýge múm­kindikteri azaıyp otyr. Úshinshi bastamam retinde turǵyn úı-kommý­nal­dyq sharýashylyq salasynyń tarıfteri men baǵalaryn azaıtýdy usynamyn», dedi prezıdenttikten úmitker. J.Ahmetbekov atalǵan úsh ba­ǵyt­tyń eldiń saıası kelbetin, onyń damý jolyn ózgertetinine, «áleýmettik mem­leket» konstıtýsııalyq formý­la­syna sáıkes keltiretinine senetinin jetkizdi. Láıla EDILQYZY. ------------------------------- Sýretti túsirgen Orynbaı BALMURAT.