Qazaqstan Respýblıkasy Aýyl sharýashylyǵy mınıstrliginiń buıryǵy №554

1 qyrkúıek 2010 jylǵy, Astana qalasy Jeke tulǵalardyń erekshe qorǵalatyn tabıǵı aýmaqtardy paıdalaný erejesin bekitý týraly «Erekshe qorǵalatyn tabıǵı aýmaqtar týraly Qazaqstan Respýblıkasynyń» 2006 jylǵy 7 shildedegi Zańynyń 12-babynyń 1 tarmaǵyna sáıkes buıyramyn: 1. Qosa berilip otyrǵan Jeke tulǵalardyń erekshe qorǵalatyn tabıǵı aýmaqtardy paıdalaný erejesi bekitilsin. 2. «Jeke tulǵalardyń erekshe qorǵalatyn tabıǵı aýmaqtardy paıdalaný erejesin bekitý týraly» Qazaqstan Respýblıkasy Aýyl sharýashylyǵy mınıstrligi Orman jáne ańshylyq sharýashylyǵy komıtetiniń tóraǵasynyń 2007 jylǵy 9 aqpandaǵy №54 buıryǵynyń kúshi joıylsyn (Qazaqstan Respýblıkasy normatıvtik quqyqtyq aktilerdi memlekettik tirkeý tiziliminde 4563 nómirmen tirkelgen, Zań gazetinde 2007 jylǵy 3 tamyzda №118 (1321) buıryǵynyń kúshi joıyldy dep tanylsyn. 3. Qazaqstan Respýblıkasy Aýyl sharýashylyǵy mınıstrligi Tabıǵat resýrstaryn paıdalaný strategııasy departamenti Qazaqstan Respýblıkasy (Omarov J.Y.) osy buıryqtyń Qazaqstan Respýblıkasy Ádilet mınıstrliginde tirkelýin qamtamasyz etsin. 4. Osy buıryq alǵash ret resmı jarııalanǵan kúninen bastap on kúntizbelik kún ótken soń qoldanysqa engiziledi. Mınıstrdiń m. a.  E.AMAN. Qazaqstan Respýblıkasy Aýyl sharýashylyǵy mınıstriniń m. a. 2010 jylǵy » qyrkúıektegi  № 554 buıryǵymen  bekitilgen Jeke tulǵalardyń erekshe qorǵalatyn tabıǵı aýmaqtardy paıdalaný erejesi 1. Jalpy erejeler 1. Osy jeke tulǵalardyń erekshe qorǵalatyn tabıǵı aýmaqtardy paıdalaný erejesi «Erekshe qorǵalatyn tabıǵı aýmaqtar týraly» 2006 jylǵy 7 shildedegi Qazaqstan Respýblıkasy Zańynyń 12-babynyń 1-tarmaǵyna (budan ári – Zań) sáıkes ázirlendi jáne jeke tulǵalardyń erekshe qor­ǵalatyn tabıǵı aýmaqtardyń tabıǵı resýrstaryn paıdalanýy maqsatynda olardy paıdalaný tártibin aıqyndaıdy. 2. Osy Ereje respýblıkalyq jáne jergilikti mańyzy bar erekshe qorǵalatyn tabıǵı aýmaq­tarǵa qoldanylady. 3. Jeke tulǵalardyń erekshe qorǵalatyn tabıǵı aýmaqtardyń tabıǵı resýrstaryn paıda­lanýyna belgilengen kúzet rejımine baılanysty: 1) áýesqoılyq (sporttyq) ań aýlaý men balyq aýlaýdy; 2) qoryqtyń kúzet rejımi bar oryndaryn qospaǵanda, osy úshin arnaıy bólingen jerlerde janama orman paıdalanýdy (jabaıy jemisterdi, jıdekterdi, sańyraýqulaqtardy, dári-dármektik shóp­terdi áýesqoılyq maqsatta jınaý, ara uıalary men omartalar ornalastyrý, maral ósirý); 3) arnaıy bólingen ýchaskelerde shóp shabý men mal jaıýdy júzege asyrý maqsattarynda jol beriledi. 4. Jeke tulǵalardyń erekshe qorǵalatyn tabıǵı aýmaqtardy paıdalanýy Qazaqstan Res­pýblıkasynyń Salyq kodeksine sáıkes aqyly negizde júzege asyrylady. 2. Jeke tulǵalardyń zańdy tulǵa mártebesi bar erekshe qorǵalatyn tabıǵı aýmaqtardy paıdalanýy 5. Jeke tulǵalardyń memlekettik ulttyq tabıǵı parkter, memlekettik tabıǵı rezervattar, memlekettik óńirlik parkter aýmaǵynda áýes­qoı­lyq (sporttyq) ań aýlaýyna jáne balyq aýlaýyna shekteýli sharýashylyq qyzmet aımaqtarynda jol beriledi jáne ýákiletti organ bekitetin memlekettik ulttyq parkter aýmaǵyndaǵy rettelmeli týrızm jáne rekreasııa erejesine sáıkes júzege asyrylady. Memlekettik tabıǵı qoryqtarda áýesqoılyq balyq aýlaý «Erekshe qorǵalatyn tabıǵı aýmaqtar týraly» Qazaqstan Respýblıkasy Zańynyń 43-1 babyna sáıkes júzege asyrylady; 6. Memlekettik ulttyq tabıǵı parkter, memlekettik óńirlik parkter, memlekettik tabıǵı rezervattar aýmaǵynda shóp shabýǵa jáne mal jaıýǵa Qazaqstan Respýblıkasynyń orman zańnamasyna sáıkes shekteýli sharýashylyq qyzmet aımaq­tarynda ǵana jol beriledi. Memlekettik tabıǵı qoryqtardyń kúzet aı­maq­tarynyń aýmaǵynda bıologııalyq san alýan­dyqty uzaq merzimdi saqtaý men onyń beriktigin qamtamasyz etý sheńberindegi mal jaıýǵa jáne shóp shabýǵa, sondaı-aq ózge de qyzmetke jol beriledi. 7. Qoryqtyń kúzet rejımi oryndaryn qos­paǵanda, osy úshin arnaıy bólingen jerlerde janama orman paıdalaný (jabaıy jemisterdi, jıdekterdi, sańyraýqulaqtardy, dári-dármektik shóp­terdi áýesqoılyq maqsatta jınaý, ara uıalary men omartalar ornalastyrý) Qazaqstan Res­pýblıkasynyń orman zańnamasyna sáıkes júzege asyrylady. 3. Jeke tulǵalardyń zańdy tulǵa mártebesi joq erekshe qorǵalatyn tabıǵı aýmaqtardy paıdalanýy 8. Jeke tulǵalardyń memlekettik qoryq aı­maqtary men memlekettik tabıǵı qaýmaldardyń aýmaǵyn paıdalanýy: 1) Zańynyń 69-babyna, erekshe qorǵalatyn tabıǵı aýmaqtyń pasportyna; 2) Zańynyń 72-babyna sáıkes erekshe qor­ǵa­latyn tabıǵı aýmaqtar rejımi saqtalǵan jaǵ­daıda kórsetilgen erekshe qorǵalatyn tabıǵı aýmaqtar ornalasqan jer ýchaskeleriniń nysanaly paıdalanylýyna sáıkes aıqyndalady. Buıryq Qazaqstan Respýblıkasynyń Ádilet mınıstrliginde 2010 jylǵy 6 qazanda Normatıvtik quqyqtyq kesimderdi memlekettik tirkeýdiń tizilimine №6521 bolyp engizildi.