Atalǵan kásiporyndarda kún saıyn munaı men gaz óndirýdiń turaqtylyǵyn qamtamasyz etip, elimizdiń munaı-gaz salasynyń damýyna jáne ekonomıkanyń nyǵaıýyna eleýli úles qosyp júrgen ondaǵan myń jumysshy eńbek etedi. Ujymdardyń úılesimdi jumysy tek óńirdiń áleýmettik-ekonomıkalyq damýyna ǵana emes, memlekettiń energetıkalyq qaýipsizdigin qamtamasyz etýge de tikeleı septigin tıgizip otyr.
Eńbek ujymdary júrgizilip jatqan konstıtýsııalyq ózgeristerdiń mańyzdylyǵyn jáne olardyń respýblıkanyń aldaǵy damýy úshin strategııalyq máni bar ekenin atap ótti.
«Biz elimizdiń bolashaǵy, turaqtylyq, birlik, zań men tártip úshin daýys beremiz. Memlekettilikti nyǵaıtýǵa, qoǵamdy damytýǵa jáne árbir azamattyń jaýapkershiligin arttyrýǵa baǵyttalǵan bastamalardy qoldaımyz. Mańǵystaý oblysynyń munaı kásiporyndarynyń ujymdary jańa Konstıtýsııany qoldaı otyryp, barshany azamattyq ustanymyn tanytýǵa jáne aldaǵy referendýmda daýys berýge shaqyrady», dep atap ótti kásiporyn ókilderi.
Munaı-gaz salasynyń qyzmetkerleri jańa Konstıtýsııanyń qabyldanýy turaqty ekonomıkalyq ósýdiń, áleýmettik ádildiktiń jáne memleket táýelsizdigin nyǵaıtýdyń berik negizi bolatynyna senimdi.
