Týrızm komıteti Taılandta júrgen qazaqstandyqtarǵa saq bolýǵa keńes berýde

QR Investısııalar jáne damý mınıstrliginiń týrızm komıteti Taılandta júrgen qazaqstandyqtarǵa qaýipsizdik sharalaryn saqtaýǵa keńes berip otyr, dep xabarlaıdy QazAqparat. Aıta keteıik, Taılandtyń Samýı aralynda tolassyz jaýǵan jańbyrdyń saldarynan joldar sýdyń astynda qalyp, jergilikti áýejaıdan ushatyn birqatar reısterdiń ushýy toqtatyldy. Álemdik buqaralyq aqparat quraldarynyń xabarlaýynsha, aýa-raıynyń kúrt buzylyp ketýinen 700 myńnan astam adam zardap shegip, 12 adam qaıtys boldy. «Bizdiń aqparatymyzǵa sáıkes, Samýı aralynda júrgen qazaqstandyq týrıster kóp emes. Olardyń barlyǵy týroperatorlarmen tikeleı baılanysta. Jaqyn kúnderi ol jerde kún ashylady degen boljam bar. Degenmen, Samýı aralynda júrgen otandastarymyzǵa asa saq bolyp, qaýipsizdik sharalaryn saqtaýǵa keńes beremiz. Dúrbeleńge boı aldyrtpaı, jergilikti bıliktiń barlyq nusqaýlaryn oryndaýǵa shaqyramyz. Biz Taılandtyń ońtústigindegi jaǵdaıdy baqylap, syrtqy ister mınıstrligimen tikeleı baılanys ustap otyrmyz», - deıdi týrızm departamentiniń basshysy Marat Iǵalı. Sondaı-aq departament Taılandqa jolda satatyn týrıstik fırmalardy ol jerdegi meteorologııalyq jaǵdaıdy jiti qadaǵalap, aýa-raıynyń buzylýy jaıynda týrısterdi shuǵyl túrde xabardar etýge úndep otyr.