Foto: Aqorda
Memleket basshysy Qazaqstan Qytaı Halyq Respýblıkasymen aradaǵy máńgi ári jan-jaqty strategııalyq seriktestikti belsendi túrde damytýǵa aıryqsha mańyz artatynyn atap ótti. Osy oraıda Prezıdent 2013 jyly QHR Tóraǵasy Sı Szınpın alǵash ret Astanada usynǵan «Bir beldeý, bir jol» bastamasy tabysty iske asyrylyp jatqanyna nazar aýdardy.
Qasym-Jomart Toqaev eki eldiń saýda-ekonomıkalyq baılanystarynyń qarqynyna joǵary baǵa berip, búginde Qytaı Qazaqstannyń eń iri saýda seriktesi sanalatynyn, taýar aınalymy jyl saıyn rekordtyq mejeni baǵyndyryp otyrǵanyn aıtty.
Áńgimelesý barysynda ınvestısııalyq yqpaldastyqqa basa mán berildi. Memleket basshysynyń aıtýynsha, Qazaqstan shetelden ınvestısııa tartýǵa jaǵdaı jasap, birlesken strategııalyq jobalarǵa jan-jaqty qoldaý kórsetedi.
Prezıdent álem jasandy ıntellektiniń belsendi damý kezeńine qadam basqanyn atap ótti. Bul baǵytta Qytaı kósh bastap tur. Memleket basshysy Qytaı tarapymen atalǵan salada yntymaqtastyqty damytýǵa nıet bildirdi.
Saı Gýanshen qonaqjaılyq tanytqany úshin Memleket basshysyna alǵys aıtty. Ol Qazaqstannyń eń aldymen, qarjy sektoryndaǵy ınvestorlar úshin tartymdy ári senimdi ınvestısııalyq ıýrısdıksııasyn joǵary baǵalady. Korporasııa basshysynyń aıtýynsha, buǵan Prezıdent Qasym-Jomart Toqaev pen Tóraǵa Sı Szınpın tarapynan kórsetilgen júıeli qoldaý oń septigin tıgizip otyr.
Kezdesý barysynda qarjy, energetıka, sıfrlandyrý, medısına, aýyl sharýashylyǵy jáne qurylys salalaryndaǵy yqpaldastyqtyń perspektıvti baǵyttary qarastyryldy.
Aıta keteıik, búgin Memleket basshysy Eńbek jáne halyqty áleýmettik qorǵaý mınıstrin de qabyldady.
