Foto: Konstıtýsııalyq sot
Ol óz pikirin Konstıtýsııalyq reforma jónindegi komıssııanyń onynshy otyrysynda bildirdi.
Marat Shıbutov Quryltaı birqatar joǵary laýazymdy tulǵalardy taǵaıyndaýdy kelisýge quqyly ekenin aıtty. Olardyń qatarynda Vıse-Prezıdent, Premer-mınıstr, Konstıtýsııalyq sottyń 10 sýdıasy, Ortalyq saılaý komıssııasynyń 6 múshesi jáne Joǵary aýdıtorlyq palatanyń 8 múshesi bar. Iаǵnı, qazirgiden áldeqaıda kóp.
Qazaqstan Halyq partııasy óńirlerde Konstıtýsııalyq reforma barysyn túsindirdi
Marat Shıbutov Parlamentti taratý tetikterin neǵurlym ıkemdi jáne ymyraǵa kelýge múmkindik beretindeı etýdi usyndy.
− «Taratady» degen sózdiń ornyna men úzildi-kesildilikti alyp tastap, kelisimge kelý múmkindigin qaldyryp, «taratýǵa quqyly» degendi qoldanýdy usynamyn. Bul «Prezıdent» bólimindegi 46-baptyń 2,4,8-tarmaqtaryna jáne «Quryltaı» bólimindegi 62-baptyń 1,2-tarmaqtaryna qatysty.Osylaısha, biz saıası júıeni ıkemdi jáne ymyraǵa kelýge beıim etemiz. Qurmetti Komıssııa, meniń usynysymdy qoldaýdy suraımyn, − dedi ol.
Konstıtýsııalyq reforma jastarǵa qandaı múmkindikter usynady?
Saıasattanýshy sondaı-aq jańa Konstıtýsııada usynylǵan árbir tujyrym Konstıtýsııalyq komıssııada qyzý talqylaýdan ótip, ashyq qoǵamdyq baǵalaýmen súıemeldengenin atap ótti.
«Bul kúrdeli, keıde yńǵaısyz, biraq adal úderis boldy. Nátıjesinde, qazirgi kezeńde bizde túrli sala sarapshylarynyń birlesken eńbegi men ártúrli ustanym, tájirıbe men dúnıetanymynyń nátıjesi bola alatyn joba bar. Sondyqtan da Ata zań jobasy jalpyhalyqtyq daýys berýge shyǵarýǵa daıyn dep sanaımyn», dedi Marat Shıbutov.
