Foto: turkystan.kz
Onyń aıtýynsha, kásipodaqtar úshin eń mańyzdy máseleniń biri – Konstıtýsııalyq reformanyń ashyqtyǵy jáne talqylaýǵa eńbek etip júrgen azamattardy keńinen tartý. Bul baǵytta aımaqtarda, eńbek ujymdarynda júıeli kezdesýler uıymdastyrylǵan.
«Kásipodaqtardyń shamamen 2 mıllıon múshesiniń ókili retinde bul qujatty talqylaý komıssııa men sarapshylar ortasynyń sheńberinde ǵana qalmaýy – men úshin asa mańyzdy boldy», dedi Satybaldy Dáýletalın.
Marat Shıbutov: Ata zań jobasy jalpyhalyqtyq referendýmǵa shyǵarýǵa daıyn
О́ńirlerdegi kezdesýler barysynda eńbek adamdarynyń kúndelikti ómirine tikeleı áser etetin máseleler kóterilgen. Ashyq dıalog, keıde qyzý pikirtalasqa ulasqan talqylaýlar shynaıy sıpatta ótken.
«Talqylaý azamattarmen betpe-bet, keıde qyzý pikirtalas túrinde, biraq shynaıy áńgime sıpatynda ótti. Adamdar eńbek qaýipsizdigi, balalarynyń bolashaǵy týraly aıtty. Kásipodaqtar federasııasy jańa Konstıtýsııa jobasyn qoldady. Sebebi ol kóp jaǵdaıda biz eńbek adamdarynan estip otyrǵan oı-pikirlermen sáıkes keldi», dedi Federasııa tóraǵasy.
Spıker jańa Konstıtýsııa jobasynda áleýmettik memleket qaǵıdatynyń jáne adamnyń eń joǵary qundylyq retinde bekitilýiniń aıqyn kórinis tapqanyna erekshe toqtaldy. Onyń pikirinshe, bul – barlyq memlekettik sheshimder úshin negizgi baǵdar bolýy tıis.
«Alǵashqy baptyń ózinde-aq Qazaqstan áleýmettik memleket retinde aıqyndalyp, eń joǵary qundylyq retinde adam, onyń ómiri, quqyqtary men bostandyqtary atalady. Jaldamaly jumysker úshin bul – asa mańyzdy belgi. Memleket endi sandar men esepterdiń aınalasynda emes, eńbek etip, ónim óndiretin, elimizdiń turaqtylyǵyn qamtamasyz etetin adamdar aınalasynda qurylady», dedi Satybaldy Dáýletalın.
Jańa Konstıtýsııa jobasynda adam men azamattyq quqyqtyń ara-jigin ajyratý usynyldy
Eńbek quqyqtary máselesine kelgende, ol ekonomıkalyq jáne tehnologııalyq ózgerister kezeńinde memlekettiń jumyspen qamtý men eńbek jaǵdaılaryna jaýapkershiligi sapalyq turǵydan jańa deńgeıge kóteriletinin aıtty.
«Eńbek – adamnyń jeke táýekeli retinde emes, laıyqty ómirdiń negizi retinde moıyndalady. Taǵy bir mańyzdy baǵyt – yntymaqtastyq qaǵıdaty. Munda ol óziniń naǵyz shynaıy mánine qaıta oralady. Bul – memleket, bıznes jáne eńbek arasyndaǵy yntymaqtastyq. Táýekeldi jumyskerdiń moınyna ile salý emes. Birjaqty jaýapkershilik te emes. Bul – memleket belsendi qatysýshy bola otyryp, adamdardyń turmys jaǵdaıyna jaýapkershilik alatyn múddelerdiń ádil teńgerimi. Jumysshy úshin bul, eń aldymen, erteńgi kúnge degen senim», dep túıindedi ol.
Sóz sońynda Kásipodaqtar federasııasynyń tóraǵasy aýyzbirshilik pen qoǵamnyń birlese áreket etýi eldiń turaqty damýynyń basty alǵysharty ekenin atap ótip, Konstıtýsııalyq komıssııa múshelerine ashyq ári mazmundy dıalog úshin alǵys bildirdi.
Halyqaralyq zańgerler qaýymdastyǵy: Jańa Konstıtýsııa jobasy halyqaralyq standarttarǵa saı
