Is-sharaǵa «Bas redaktorlar klýby» qoǵamdyq birlestiginiń músheleri, jetekshi buqaralyq aqparat quraldarynyń basshylary, medıa salasynyń sarapshylary men ardager jýrnalıster qatysty. Dóńgelek ústeldi Parlament Senatynyń depýtaty, Bas redaktorlar klýbynyń tóraǵasy Bıbigúl Jeksenbaı júrgizdi.
«Sóz bostandyǵy – demokratııalyq memlekettiń negizgi qundylyǵy. Jańa Konstıtýsııada ol buqaralyq aqparat quraldarynyń erkindigimen birge naqty kepildendirilýi tıis.
Sonymen qatar, sóz bostandyǵy men azamattardyń ar-namysy, jeke derekteriniń qaýipsizdigi arasyndaǵy tepe-teńdik konstıtýsııalyq deńgeıde aıqyndalýy qajet. Al jaýapkershilik quqyqtyq, ádil ári teńgerimdi bolyp, jýrnalıstik zertteý men qoǵamdyq synǵa kedergi keltirmeýi tıis», dedi ol.
Dóńgelek ústel barysynda 2026 jylǵy konstıtýsııalyq reformanyń negizgi baǵyttary, sóz bostandyǵynyń qazirgi mazmuny, aqparat taratýdaǵy jaýapkershilik, jala men ar-namys máseleleri jan-jaqty talqylandy. Qatysýshylar adam quqyqtary men bostandyqtaryn qorǵaý, sondaı-aq sıfrlyq keńistiktegi jańa qaýip-qaterlerge quqyqtyq jaýap berý qajettigin atap ótti.
Jıynda Parlament Májilisiniń depýtaty M.S. Bashımov, «Qazaqstan» RTRK» AQ tóraǵasy E. Burahan, «Habar» agenttigi» AQ tóraǵasy K.B. Oıshybaev, «Qazcontent» AQ tóraǵasy A. Zadabek jáne basqa da sala ókilderi baıandama jasap, medıa keńistiktiń ózekti máseleleri boıynsha pikir almasty.
Jaryssóz barysynda Almaty qalasy, Almaty oblysy, Soltústik Qazaqstan, Qyzylorda, Ońtústik Qazaqstan jáne Atyraý oblystarynan onlaın formatta qatysqan jýrnalıster men medıa basshylar óz qalalarynan qosylyp, jańa Konstıtýsııa jobasyna qatysty pikirleri men usynystaryn bildirdi. Sonymen qatar, Almaty qalasynan medıa maıtalmandary men basshylary Ál-Farabı atyndaǵy QazUÝ jınaldy. О́z pikirlerin usyndy.
Talqylaý kezinde sóz bostandyǵynyń demokratııalyq qoǵamdaǵy negizgi qundylyqtardyń biri ekeni, sonymen qatar aqparat taratýdaǵy jaýapkershilik, jalǵan aqparattyń aldyn alý jáne azamattardyń ar-namysy men qadir-qasıetin, jeke derekterin qorǵaý arasyndaǵy quqyqtyq tepe-teńdikti saqtaý qajettigi atap ótildi.
Is-shara qorytyndysy boıynsha dóńgelek ústeldiń rezolıýsııasy qabyldandy. Qujatta konstıtýsııalyq reformanyń negizgi baǵyttary boıynsha medıa qaýymdastyqtyń ustanymy men usynystary júıelenip, sóz bostandyǵyn, buqaralyq aqparat quraldarynyń erkindigin jáne aqparat alý men taratý quqyǵyn Konstıtýsııada berik bekitý qajettigi atap ótildi.
Jańa Konstıtýsııada qazaq tiliniń mártebesi qalaı bekitilmek?
Rezolıýsııada sóz bostandyǵy men aqparat taratýdaǵy jaýapkershilik, azamattardyń ar-namysy men qadir-qasıetin, iskerlik bedeli arasyndaǵy quqyqtyq tepe-teńdikti saqtaý konstıtýsııalyq deńgeıde naqty aıqyndalýy tıis ekeni kórsetildi. Qatysýshylar jalǵan aqparat pen jala jabý úshin kózdeletin jaýapkershilik normalary ádil, naqty jáne teńgerimdi bolýy, sonymen qatar jýrnalıstik zertteý júrgizýge jáne qoǵamdyq mańyzy bar syn aıtýǵa kedergi keltirmeýi qajet degen ortaq pikirge keldi.
Sondaı-aq rezolıýsııada aqparat taratýdaǵy jaýapkershilik, jeke ómirge qol suqpaýshylyq jáne adamnyń qadir-qasıetin saqtaý qazirgi aqparattyq jáne sıfrlyq dáýirdiń basty konstıtýsııalyq qundylyqtarynyń biri retinde tanylyp, bul baǵyttaǵy normalardy halyqaralyq standarttar men úzdik tájirıbelerdi eskere otyryp naqtylaý usynyldy.
Qujatta buqaralyq aqparat quraldarynyń konstıtýsııalyq reformany kásibı, teńgerimdi jáne jaýapkershilikpen jarııalaý arqyly qoǵamdaǵy quqyqtyq mádenıetti nyǵaıtýdaǵy erekshe róli atap ótildi. Jýrnalıstik qaýymdastyq jańa Konstıtýsııa jobasyn odan ári qoǵamdyq jáne saraptamalyq talqylaýǵa belsendi qatysýǵa daıyn ekenin bildirdi.
Semeıde Jańa Konstıtýsııa týraly jalǵan aqparat taratqan turǵyn jazalandy
Qabyldanǵan rezolıýsııa Qazaqstan Respýblıkasy Bas redaktorlar klýbynyń 2026 jylǵy 9 aqpanda ótken dóńgelek ústeliniń qorytyndy ustanymyn bildiredi jáne ýákiletti memlekettik organdar men múddeli taraptarǵa usynys sıpatynda joldanatyn bolady.
