Qazaqstan Respýblıkasynyń zańnamasyna sáıkes, «Islam memleketi» halyqaralyq terrorıstik uıymynyń qyzmeti el aýmaǵynda terrorıstik dep tanylyp, oǵan tyıym salynǵan.
Sot materıaldaryna sáıkes, 2024 jylǵy shilde men 2025 jylǵy sáýir aralyǵynda aıyptalýshy TikTok áleýmettik jelisindegi anonımdi akkaýnttar arqyly, sondaı-aq jekelegen azamattarmen jeke baılanys kezinde terrorıstik mazmundaǵy materıaldardy taratqan. Bul materıaldarda zorlyq-zombylyqty nasıhattaý jáne terrorıstik áreketterdi aqtaý belgileri bolǵan.
Sot sheshimimen ol Qylmystyq kodekstiń 256-babynyń 2-bóligi (terrorızmdi nasıhattaý nemese terrorızm aktisin jasaýǵa jarııa túrde shaqyrý) boıynsha kináli dep tanylyp, 7 jylǵa bas bostandyǵynan aıyryldy.
Sot úkimi zańdy kúshine endi.
Abaı oblysynyń prokýratýrasy azamattardy ınternet keńistiginde terrorıstik jáne ekstremıstik sıpattaǵy materıaldardy taratý, qaıta jarııalaý nemese saqtaý qylmystyq jaýapkershilikke ákeletinin eskertedi. Sonymen qatar mundaı faktiler anyqtalǵan jaǵdaıda quqyq qorǵaý organdaryna habarlaýǵa shaqyrady.
