«Báıterek» holdınginiń basqarýshy dırektory taǵaıyndaldy

Vıacheslav Son «Báıterek» ulttyq basqarýshy holdıngi» AQ-nyń basqarýshy dırektory bolyp taǵaıyndaldy, dep habarlady «Báıterek» ulttyq basqarýshy holdıngi» AQ baspasóz qyzmeti. Vıacheslav Sonnyń zań salasyndaǵy 12 jyldyq basqarýshylyq jumys ótili bar. Eńbek qyzmetin ol 2002 jyly «Qazaqstan Damý banki» AQ tobynda baǵaly qaǵazdarmen jumysty quqyqtyq qamtamasyz etý bóliminiń zańgeri laýazymynan bastap, Zań departamentiniń dırektoryna deıin kóterilgen. Odan keıin «Taý-ken Samuryq» ulttyq taý-ken kompanııasy» AQ basqarýshy dırektory, QR Qorǵanys mınıstrliginiń «Qazarnaýlyeksport» RMK bas dırektorynyń orynbasary qyzmetterin atqarǵan. 2013 jyldan bastap «Báıterek» ulttyq basqarýshy holdıngi» AQ Aýdıt jáne baqylaý departamentiniń dırektory laýazymyn atqarýda. Vıacheslav Son Qazaq Gýmanıtarlyq Zań Ýnıversıtetin (quqyqtaný), Zamanaýı Gýmanıtarlyq Ýnıversıtetin (lıngvıstıka), sondaı-aq Halyqaralyq bıznes ýnıversıtetin (MVA, qarjy jáne kredıt) aıaqtaǵan.