Amerıkalyq Yahoo ınternet-kompanııasy Verizon kompanııasyna tolyqtaı ótken kezde ataýyn Altaba dep ózgertedi. Bul týraly VVS habarlady. Atalǵan kelisimnen keıin kompanııanyń basshylyǵy da ózgeredi. Atap aıtsaq, qazirgi top-menedjerleriniń biri, atqarýshy dırektor Marıssa Maıer ornynan ketedi. Washington Post basylymynyń habarlaýynsha, onyń ornyna dırektorlar keńesinde qyzmet etken Erık Brandt keledi.
Kompanııa jańa ataýy ne sebepti Altaba bolatynyna áli resmı túsinikteme bergen joq. Biraq Wall Street Journal bul sóz "alternatıva" jáne Alibaba sózderinen qurastyryldy dep boljap otyr.
Yahoo! ınternet bıznesin Verizon kompanııasy naýryz aıynda tolyqtaı satyp almaq. Esterińizge sala ketsek, Verizon Communications telekommýnıkasııalar kompanııasy Yahoo ınternet-kompanııasyn 4,83 mlrd dollarǵa satyp alatyny týraly 2016 jyl jaz aıynda habarlady. Al Yahoo 1995 jyly ashylǵan. 20 jyldan astam ýaqyt boıy ol izdeý júıesi men basqa da ınternet qyzmetterdi qamtydy. Búginde aýdıtorııasy aıyna 1 mlrd adamdy qamtıdy.
