Bıyl ShQO-da 57 kóppáterli turǵyn úı salynady

2017 jyly Shyǵys Qazaqstanda 57 jańa kóppáterli turǵyn úı salý josparlanýda, dep habarlady Qurylys, sáýlet jáne qala qurylysy basqarmasy basshysynyń orynbasary Inna Vall aparattyq jınalys barysynda aıtty, dep habarlady strategy2050.kz. «2016 jyly óńirde áleýmettik-mádenı maqsattaǵy 9 nysan salyndy. 2017 jyly osyndaı 27 nysandy salý josparlanyp otyr, onyń 17-si 2016 jyldan ótken, 10 nysan jańadan salynbaq», - dedi I. Vall. Onyń aıtýy boıynsha, ótken jyly barlyq qarjylandyrý kózderi esebinen oblys boıynsha aldyn ala derekter boıynsha 334,07 myń sharshy metr turǵyn úı paıdalanýǵa berilgen, sonyń ishinde jalpy aýdany 206,3 myń sharshy metrdi quraıtyn 34 kóppáterli turǵyn úı. Budan bólek, ol 2017 jyly Shyǵys Qazaqstanda jalpy aýdany 288,8 myń sharshy metr 57 jańa kóppáterli turǵyn úı qurylysyn salý josparlanyp otyrǵanyn aıtty. Olarǵa 2016 jyldan ótken jalpy aýdany 414,4 myń sharshy metrdi quraıtyn 60 kóppáterli turǵyn úı qosylmaq. Olardyń ishinde bıylǵy jyly 345,8 sharshy metrin paıdalanýǵa berý josparlanýda.