Saýl Alvares Qanat Islammen kezdesýi múmkin - Fightnews

Qazaqstandyq boksshy Qanat Islam (22-0, 18 KO) WBO nusqasy boıynsha birinshi orta salmaqta álem chempıony meksıkalyq Saýl «Kanelo» Alvarespen (48-1-1, 34KO) judyryqtasýy múmkin. Bul týraly allboxing.ru habarlady. Fightnews.com aqparaty boıynsha, qos tarap ortaq kelisimge kelse, kezdesý 6 mamyr kúni AQSh-tyń Tehas shtatyndaǵy 80 myń kórermenge arnalǵan «Dallas Kovboız» stadıonynda ótpek. Alvares buǵan óziniń WBO belbeýin qoıýǵa qarsy emes. Aıta keteıik, «Kanelonyń» ókilderi sońǵy birneshe aptada kishi Hýlıo Sesar Chavespen kezdesý uıymdastyrý jóninde kelissózder júrgizgen. Biraq bul is jaqyn arada aıaqtalmaıtyn syńaıly. Sol sebepti «Kanelo» mamyr aıynda belbeýin qorǵaý úshin Islamǵa qarsy jekpe-jek ótkizýi múmkin. Meksıkalyq sońǵy ret 2016 jyldyń 17 qyrkúıeginde atalǵan stadıonda brıtanııalyq Lıam Smıtti nokaýtpen utqan. Al Qanat 29 qazanda tóreshilerdiń sheshimimen ganalyq Patrık Alloteıdi jeńgen bolatyn. 32 jastaǵy qazaqstandyq bylǵary qolǵap sheberi qazirgi ýaqytta AQSh-ta jattyǵyp júr.