Kezdesý barysynda sarapshylar elimizdegi jańa Konstıtýsııa jobasynyń negizgi baǵyttary, adam quqyǵyn qorǵaý tetikterin jetildirý, qoǵamdaǵy zań men tártiptiń mańyzdylyǵy jáne ár azamattyń jaýapkershiligi týraly sóz qozǵady. Is-shara barysynda sóz sóılegen fılosofııa ǵylymdarynyń kandıdaty Úmbethan Sársembın eldiń tutastyǵyn nyǵaıtýǵa negizdelgen Konstıtýsııalyq reformanyń jańa múmkindikterge jol ashatynyn jetkizdi.
«Jańa Konstıtýsııa jobasynda adam kapıtalyna basymdyq berilgen. Munda ádilettilik, zań men tártip, tabıǵatqa uqypty qaraý sııaqty qaǵıdattar bekitilgen. Ár azamattyń el aldyndaǵy jaýapkershiligi Ata zańdy kurmetteýden bastalady. Iаǵnı quqyqtyq mádenıetti arttyrý arqyly úlken nátıjege qol jetkize alamyz. Ǵylym men bilimdi damytý elimizdiń ınnovasııalyq áleýetin arttyryp qana qoımaı, ınvestısııany ulǵaıtýǵa sep bolary sózsiz. Sondaı-aq Ata zań jobasynda táýelsizdik, ulttyq múdde, ulttyq qundylyqtar, árbir azamattyń ómir súrý quqyn qamtamasyz etý, bilim men ǵylym, talantty jastardy qoldaý sııaqty dúnıelerge basa nazar aýdarylǵan. Buǵan deıin de ǵylymǵa, mádenıetke erekshe kóńil bólindi. Memleket tarapynan qoldaý da kóp. Biraq qoǵam ishinde budan da basqa ózekti máseleler barshylyq. Barlyǵy osy adamı kapıtalǵa kelip tireledi. Sondyqtan osy atalǵan qundylyqtarǵa memleket tarapynan kóńil bólinip, barlyq salada kisilik, eńbek baǵalanatyn bolsa, adamdardyń ózine jáne qoǵamyna degen senimi nyǵaıa túspek», dedi ol.
Jańa Konstıtýsııa jobasynda advokatýra mártebesiniń bekitilýi qandaı mańyzǵa ıe?
Is-sharada fılosofııa doktory (PhD), dosent Aınur Nýrýtdınova jańa Konstıtýsııa jobasynyń basty erekshelikterine toqtalyp, onyń tujyrymdamalyq negizderin ashyp aıtyp berdi.
Bıbigúl Jeksenbaı: Konstıtýsııany talqylaý – qoǵamnyń ortaq jaýapkershiligi
Kezdesý barysynda zań salasynyń mamandary, jas oqytýshylar men mamandar sarapshylarǵa suraqtaryn qoıyp, alda ótetin referendýmda belsendilik tanytatynyn jetkizdi.
Elimizdiń sportshylary men óner ıeleri jańa Konstıtýsııa jobasyn qoldady
