Qazaqstannyń maqsaty – qaýipsiz, ádil jáne órkendegen álem qurý

BUU Qaýipsizdik Keńesiniń pikirtalastarynda  Qazaqstan Prezıdentiniń Saıası úndeýi tanystyryldy

2017 jylǵy 10 qańtarda Qazaqstan alǵash ret BUU Qaýipsizdik Keńesiniń turaqty emes múshesi retinde onyń «Shıelenisterdiń aldyn alý jáne beıbitshilikti saqtaý» taqyrybyndaǵy ashyq pikirtalastaryna qatysty, osy pikirtalastar aıasynda Qazaqs­tan­nyń Syrtqy ister mınıstri Qaırat Ábdi­rahmanov Prezıdent Nursultan Nazarbaevtyń «Qaýipsiz, ádil jáne órkendegen álem qurý úshin jahandyq áriptestikti nyǵaı­týǵa qazaqstandyq tujyrymdamalyq kóz­qaras» atty Saıası úndeýin tanystyryp ótti. Nıý-Iork qalasynda ót­ken sharaǵa BUU Bas hatshy­sy Antonıý Gýterrısh, Uly­brıtanııa, Italııa, Latvııa, Pol­sha, Fransııa, Nıderland, Ýkraı­na, Shvesııa, Efıopııa jáne Ja­ponııanyń syrtqy saıasat ve­domstvolarynyń basshy­lary jáne syrtqy ister mınıstr­leriniń orynbasarlary, Reseı, Qytaı, AQSh jáne BUU-ǵa múshe basqa da memleketterdiń BUU janyndaǵy turaqty ókilderi qatysty. Qaýipsizdik Keńesiniń mú­she­leri jáne BUU elderiniń ókil­deri pikirtalastar bary­synda shıelenisterdiń aldyn alý jáne beıbitshilikti saq­taý sala­syndaǵy ózderiniń ult­tyq ba­symdyqtary týraly málim­dedi, sondaı-aq búkil­álem­dik uıym qyzmetiniń osy basym­dyqty baǵyttary boıynsha jańa Bas hatshynyń jumysyna qoldaý bildirdi. Pikirtalastar barysynda Qazaqstannyń Syrtqy ister mınıstri 2017-2018 jyldar kezeńinde Qaýipsizdik Ke­ńe­siniń turaqty emes múshe­si retindegi Qazaqstan ókilet­tikteriniń bastalýyna oraı Mem­leket basshysynyń Saıası úndeýin jarııalady. Q.Ábdirahmanov bul Ún­deýdiń Memleket basshysynyń 2016 jylǵy 31 naýryzdaǵy «Álem. HHI ǵasyr» manıfesiniń qaǵıdattaryna negizdeletindigin jáne ony shyǵarmashylyq turǵydan damytatyndyǵyn atap kórsetti. Prezıdent N.Nazarbaevtyń Iаdrolyq qaýip­siz­dik jónindegi IV sammıt aıa­synda usynylǵan baǵdarla­malyq qujatynyń BUU-nyń 100 jyldyq mereıtoıy­na qar­sy ıadrolyq qarýsyz álem qurý maqsatynda halyqaralyq beı­bitshilik pen qaýipsizdikti nyǵaıtý, sondaı-aq beıbitshilik, qaýip­sizdik jáne damý arasyn­daǵy ajyramas baılanysty qam­­tamasyz ete otyryp, ǵalam­shardy soǵystar men shıelenis­ter­den aryltý isinde kúsh-ji­gerdi biriktirý jáne yntymaq­tasý qajettigine basa nazar aý­dar­ǵandyǵy belgili. Úndeýde atap kórsetilgendeı, «Qazaqstan Keńeste beıbitshilik pen qaýipsizdikti saqtaý men ny­ǵaı­týdyń birinshi kezektegi mańyz­dylyǵyn negizge ala otyryp, onyń búkil kún tártibi boıynsha ádil jáne ashyq jumys isteıtin bolady». N.Nazarbaevtyń aıtýynsha, Astana «Qaýipsizdik Keńesiniń bar­lyq múshelerimen teń quqyly negizde yntymaqtasa jumys isteý­ge, halyqaralyq beıbitshilik pen qaýip­sizdikti nyǵaıtý maqsatynda ymyraǵa qol jetkizip, bátýalastyqtyń qalyptasýyna septigin tıgizýge nıetti». Osyǵan oraı, Úndeýde BUU QK turaqty emes múshesi retin­degi Qazaqstan jumysynyń basym­dyqtary atap kórsetildi. Olardyń qatarynda ıadrolyq qarýsyz álemdi jaqyndatý, jahandyq soǵys qate­rin boldyrmaý, Aýǵanstandaǵy beı­bitshilikke yqpaldasý, Orta­lyq Azııada beıbitshiliktiń óńir­lik aımaǵyn qalyptastyrý, BUU qamqorlyǵymen Jahandyq lań­kes­tikke qarsy koalısııa (jeli) qurý, Afrıkanyń beıbit damýyna jár­demdesý, BUU-nyń Ornyqty damý maqsattaryn, beıbitshilik, qaýip­sizdik jáne damý arasyndaǵy ajyramas baılanysty ilgeriletý, BUU-ny HHI ǵasyr talaptaryna beıimdeý jáne jahandyq problemalardy sheshý úshin ujymdyq saıası erik-jigerdi nyǵaıtý maqsatynda memleketter men úkimetter basshylary deńgeıinde QK-ge múshe memleketterdiń turaqty kezdesýler tetigin kelisý bar. Memleket basshysy óz Úndeýinde atap kórsetkendeı, «Qazaqstan Keńeste barlyq múshe eldermen atal­ǵan basymdyqty baǵyttar boıynsha ashyq, ádil jáne saıası jaǵdaıatsyz, jaýapty, salmaqty jáne syndarly túrde jumys isteýge nıetti». Osyǵan oraı, qujatta «Qazaq­stannyń mańyzdy maqsatqa – HHI ǵasyrda álemdi qaýipsiz, ádil jáne órkendegen álemge aınaldyrý maq­satyna qol jetkizý jónindegi óz bastamalaryna áriptesteriniń tarapynan qoldaý kórsetiletindigine senim bildiretindigi» aıtylady. Qazaqstandyq tarap sondaı-aq, pikirtalas qatysýshylarynyń nazaryn preventıvti dıplomatııadaǵy, senim sharalaryn ilgeriletý men nyǵaıtýdaǵy, jappaı qyryp-joıý qarýlaryn taratpaýdaǵy, daý-janjaldardy retteýdegi  jáne halyq­aralyq lańkestikke qarsy áreket etýdegi birlesken kúsh-jigerdiń mańyzdylyǵyna aýdardy. Qazaqstan basshylyǵynyń Astanada Sırııada beıbitshilik ornatý boıynsha kelissózder alańyn usynýǵa daıyn ekendigi taǵy da atap kórsetildi. Qazaqstan Prezıdentiniń Úndeýi otyrys qatysýshylarynyń joǵary baǵasyna ıe boldy. Budan basqa, ony BUU QK resmı qujaty retinde tirkeý týraly sheshim qabyldandy. Nıý-Iorkke sapary barysynda Q.Ábdirahmanovtyń BUU Bas hatshysy A.Gýterrıshpen kezdesýi bolyp ótti. Kezdesý barysynda As­tananyń Qaýipsizdik Keńesine múshe­ligi baǵdarlamasynyń ózekti máse­leleri men Qazaqstan men BUU yntymaqtastyǵynyń kóp qyrly kún tártibi talqylandy.