Sán úıin ashqan qazaq jigiti

О́tken jyly «Reseıdiń eń úzdik jas shyǵarmashylyq qaıratkeri» atanǵan ombylyq dızaıner Ermek Hapızov Ombyda óz atymen atalatyn «KHAPIZOV ERMEK» sán úıin ashty. Osylaısha ol Reseı qazaqtarynyń ishinde birinshi bolyp sán úıin dúnıege ákelip otyr. Omby qalasynda aǵash us­tasy­nyń otbasynda dúnıege kel­­gen Ermek Elýbaıuly mektep qabyr­ǵasynda júrip-aq dızaın jáne sán óneriniń álippesin meńgere bastaıdy. Alǵashyn­­da sportpen áýes­tengen jigit 14 jasynda «Fıto­dızaın» sán stýdııa­syna jazylady. О́nerdiń bólek bir salasy­na bet burǵan balanyń qyzyǵý­shylyǵyn baıqaǵan ata-anasy oǵan «Zınger» tigin mashınasyn sa­­typ áperedi. Ermek osydan ke­ıin qııalyndaǵy kıim úlgilerin jo­­ba­­l­ap, piship, tige bastasa kerek. Ismer talant odan keıin jeke toptamalaryn jasaý barysyn­da elektrmehanıkalyq tigin ma­shınaǵa da qol jetkizedi.  9-sy­nyp­ta oqyp júrgende úsh bir­deı halyqaralyq festıvalda baq synaıdy. Sonyń birinshisi – Más­keýdegi «Etno-Erato» baı­qaýy. Oǵan ulttyq naqyshtaǵy jeke toptamasymen qatysyp, Úki­met úıiniń úlken zalynda bol­ǵan aq­tyq synǵa joldama al­ǵan úzdik on­dyq­tyń qatarynan tabylady. 10-synyptan bastap  kıim dızaıny mamandyǵy boıynsha Omby memlekettik servıs ıns­tı­týtyna túsý úshin ázirlikke kiris­ken ol, 11-synypta tabys tabý úshin áıelderge ar­nal­ǵan «Sibir Atlantıdasy», erlerge arnalǵan «Jańa dáýir» dep atalatyn kommersııalyq toptamalaryn  jasaıdy. Eńbegi aqtalyp áıelderge arnalǵan kıimderi  tolyqtaı, al erlerge arnalǵan toptamasynyń tórtten úshi tutynýshysyn tabady. Bar bolǵany 19 jasynda Jan­na Frıske, Margarıta Drobıazka, Anfısa Chehova, Prohor Shalıa­pın, Marına Orlova, Marııa Arbatova sııaqty óner maı­tal­mandaryn óz klıentine aınal­dyrǵan Ermek Elýbaıuly dıplomdyq topta­ma­syn Vıache­slav Zaısevtiń sán úıin­de kór­setip, sátti qorǵap shy­­ǵa­dy. «Sán zerthanasynda» dı­­zaın-jobalar jetekshisi bo­lyp, jas dızaınerlerdi oqyt­qan ol búgin­de ustazdyq qyzmetin Ha­­lyq óneri joǵary mektebiniń Om­by fılıa­lyn­da jalǵastyryp júr. Qazaq jigiti ótken jyly qara­­sha­­nyń aıaǵynda Omby ob­lys­­­­tyq memlekettik «Lıberov-Sentr» kórkemóner mýzeıinde «Rýbaı» degen taqyryppen keshin ótkizdi. V.Zaısev,  M.Ar­batova, M.Orlova, P.Shalıa­pın, M.Drobıazko, P.Vana­gas sııaq­ty óner maıtal­mandary shaqy­ryl­ǵan bul keshte avtor óziniń áıelderge arnalǵan «Rýbaı» atty jańa toptamasynyń kór­setilimin jasady. Erlik ERJANULY, jýrnalıst  ALMATY