«Morj» Jemge shomylady

Sońǵy on jyldan beri Jarylqasyn Baıjanov degen azamat Jem ózenine shomylady. Jyldyń jyly mezgili emes, qaqaǵan qysta da ózen sýyna bir shomylmaı, ishken asy boıyna batpaıdy. О́ziniń aıtýynsha, árıne, birden ózennen úki oıyp, salqyndyǵy dene qarıtyn sýǵa súńgimegen. Aldymen, qys aılarynda denesine shelekpen muzdaı sý quıǵan. Keıinnen qarǵa aýnap, denesin aq ulpamen ysqylaǵan. Osylaısha, aǵzasyn salqyn sýǵa úıretken. – Qazir jasym 60-ta, – deıdi Jylyoı aýdanynyń Shoqpartoǵaı aýylynda turatyn Jarylqasyn Baıjanov. – Qys boıy ózen ústinde jalańaıaq júremin. Muz aralasqan sýǵa shomylamyn. Keshki 6-dan keıin toıa tamaq ishpeımin. Salqyn sýǵa shomylǵanymnyń nátıjesinde densaýlyǵym oıdaǵydaı. Qan qysymym turaqty, birde-bir syrqatym joq. Osynyń bári aldymen, ózimniń densaýlyǵym­dy saqtap, aýyrmaýym úshin qajet. Ekinshiden, jastar­dyń salamatty ómir saltyn qalaýyna jol kórsetkim keldi. Onyń aıtýynsha, qazirgi jas jigitterdiń arasynda sýyqqa shydaı almaı, túrli syrqattarǵa shaldyǵatyndar kóbeıip barady. Munyń basty sebebin olardyń denesin salqyn sýmen shynyqtyrýǵa mán bermeýinen kóredi. Al ózi qystyń úskirik aıazynda ózenge shomylýdy sport­tyń bir túrine jatqyzady. Sodan bolsa kerek, ony aýyldas­tary «morj» dep ataıdy.  Joldasbek ShО́PEǴUL, «Egemen Qazaqstan»  Atyraý oblysy