6,9 mıllıard teń­geniń bý qazandyǵy salynýda

Esil aýdanynda «Nurly jol» baǵdarlamasy aıasynda 6,9 mıllıard teń­geniń bý qazandyǵy salynýda. Bul óńirdegi eń iri ári turǵyndar sura­nysyndaǵy asa qajet joba sanalady. Merdiger kompanııa – «Shý­che qa­zandyq-meha­nı­kalyq ­zaýyty» JShS bas dırektory Marat Ah­metov­tiń aıtýynsha, nysanda búgin­de geo­dezııalyq jumystar to­lyq aıaqtal­ǵan, aýmaq qorsha­lyp, vahta­lyq qa­la­shyq ju­mys istep tur. Son­daı-aq, bola­­shaq qazandyqtyń ir­ge­tasy qa­lanyp, qabyrǵalary kóterilgen. – Jobanyń jalpy quny 6,9 mıllıard teńgeni quraıdy. Bý qazandyǵyn salý aýdandaǵy barlyq jeke úı sektoryn, memlekettik mekemeler men jeke kásiporyndardy jylýmen úzdiksiz qamtamasyz etýge múmkindik beredi. Sondaı-aq, bul jobany jú­zege asyrý qalanyń ekologııalyq jaǵ­daıyn barynsha jaqsartatyny belgili. О́ıtkeni, osy nysandy paı­dalanýǵa berý nátıjesinde 10 usaq bý qazandyǵy óz ju­mystaryn toq­tatady. Qazan­dyq jumys josparynda kórse­tilgen merzimde, ıaǵnı 2018 jyl­d­yń qyrkúıek aıynda tolyq qýatynda iske qosylady, – deıdi Marat Nurseıituly. Baqbergen AMALBEK, «Egemen Qazaqstan» Aqmola oblysy