Syr elinde 175 jańa jumys orny ashyldy

«Damý-Aımaqtar» shaǵyn jáne orta kásipkerlik sýbektilerin aımaqtyq qarjylandyrý baǵdarlamasy aıasynda ótken jyly 32 qyzylordalyq kásipkerdiń jobalary júzege asty. Baǵdarlamanyń sátti jumys jasaýy nátıjesinde 175 jańa jumys oryndary ashyldy, dep habarlaıdy «Damý» qorynyń baspasóz qyzmeti. О́tken jyly Qyzylorda oblysynyń ákimdigi men «Damý» qory birlesip, «Damý-Aımaqtar» baǵdarlamasynyń júzege asýy úshin 1,5 mlrd teńge qarajat bólip, nátıjesinde aımaqtyń kásipkerleri 8,5 paıyz ústememen 180 mln teńgege deıingi nesıe qarajatyn «Qazaqstan Halyq Banki» AQ, «Bank SentrKredıt» AQ jáne «Qazkommersbank» AQ sekildi ekinshi deńgeıli bankterden alýǵa bolatyn biregeı múmkindikke ıe boldy. «Damý-Aımaqtar» baǵdarlamasynyń tıimdiligin paıdalanǵan kásipkerlerdiń biri «Sportmaster SB» JShS kompanııasynyń dırektory Baýyrjan Mahmýtov. Ol «Bank SentrKredıt» AQ 8,5 paıyz ústememen 20 mln teńge kólemde alǵan nesıe qarajatyn «Araı» móltek aýdanynda sporttyq keshen ashýǵa jumsady. Jas start-apper nesıe qarajatyna qol jetkizý maqsatynda «Damý» Qorynyń bólshek kepildendirý baǵdarlamasyn da paıdalandy. Aıta keteıik, oblys ákimdigi men qor arasynda 2017 jyly yntymaqtastyqty jalǵastyrý týraly memorandýmǵa qol qoıylǵan bolatyn. Bıylǵy jyly da «Damý-Aımaqtar» baǵdarlamasy aıasynda kásipkerler úshin 180 mln teńgege deıin jeńildetilgen nesıe qoljetimdi boldy. Negizgi quraldary qaıta jańǵyrtý maqsatyndaǵy nesıeni 60 aıǵa deıin berilse, al aınalym qarajatyn toltyrýǵa 36 aıǵa deıin merzimge nesıe alý múmkindigi qarastyrylǵan. Nesıeni kepildendirý mólsheri jetispegen jaǵdaıda kásipkerler «Bıznestiń jol kartasy 2020» bıznesti qoldaý men damytýdyń biryńǵaı baǵdarlamasy aıasyndaǵy bólshek kepildendirý quralyn paıdalana alady. Kepildendirý mólsheri áreket etýshi kásipkerler úshin – 50 paıyz, al bastaýysh kásipkerlerge - nesıe somasynyń 85 paıyz deıin qarastyrylǵan.