Foto: Sputnik
Qaı salalarda jumys isteýge tolyq tyıym salynady?
Jańa erejelerge sáıkes, sheteldikterge kýrerlik jetkizý qyzmetteri, jolaýshylar tasymaly, taksı qyzmeti, týrıstik gıd qyzmeti baǵyttarynda jumys isteýge tyıym salynady.
Bul shekteý tek jaldamaly jumysqa ǵana emes, jeke kásipkerlikke de qatysty. Iаǵnı shetel azamattary atalǵan salalarda bıznes tirkeı almaıdy jáne ózin-ózi jumyspen qamtyǵan tulǵa retinde de qyzmet ete almaıdy.
Osylaısha, mıgranttar arasynda taksı, jetkizý qyzmeti jáne týrızm salasy sheteldikter úshin jabylady.
Qyrǵyzstan mıgranttardyń quqyǵyn buzǵany úshin Reseıdi sotqa berdi
Gıd-nusqaýshylarǵa kvota beriledi
Taýly aımaqtardaǵy gıdter men shańǵy nusqaýshylaryna qatysty tolyq tyıym salynbaıdy, biraq qatań kvota engiziledi.
2026 jyly bul salada bar bolǵany 200 sheteldik maman jumys isteı alady. Nátıjesinde ruqsat alý úshin joǵary básekelestik bolady, rastalǵan biliktiligi bar mamandarǵa basymdyq berilýi múmkin jáne maýsymdyq jumys múmkindikteri aıtarlyqtaı qysqarady.
Grýzııanyń týrıstik óńirlerinde jumys isteıtin otandastarymyz úshin bul eleýli shekteý bolýy yqtımal.
Endi Reseıde jumys isteý qıyndaıdy: Otandastarymyz úshin jańa talaptar kúshine enbek
Sheteldikterdi jumysqa alý tártibi kúrdelenedi
Úkimet jalpy eńbek kóshi-qonyna baqylaýdy kúsheıtedi.
Endi shetel azamatyn jumysqa alǵysy keletin jumys berýshi ótinish bererden keminde 10 jumys kúnine deıin bos jumys ornyn resmı worknet.moh.gov.ge portalynda jarııalaýy tıis. Bul orynnyń sheteldik eńbek mıgrantyna arnalǵanyn kórsetýi qajet.
Is júzinde bul ishki eńbek naryǵyn aldyn ala tekserý tetigi bolmaq. Iаǵnı basymdyq jergilikti azamattarǵa beriledi.
Qazaqstan azamattary úshin jumysqa ornalasý merzimi uzarady, qujattardy aldyn ala muqııat daıyndaý qajettiligi týyndaıdy, eńbek ruqsatyn alý boıynsha bas tartýlar sany artýy múmkin.
Mindetti eńbek ruqsaty engiziledi
1 naýryzdan bastap barlyq shetel azamattary úshin arnaıy eńbek etýge ruqsat alý mindetti bolady.
Bul ruqsat jumys negizinde turýǵa yqtııarhat alýdyń basty shartyna aınalady.
Sonyń nátıjesinde resmı ruqsatsyz jumys isteý múmkin bolmaıdy, kóshi-qon baqylaýy kúsheıedi, rásimdeý barysynda jumys berýshiniń jaýapkershiligi artady.
Qazaqstanda qumar oıynyn uıymdastyrǵan kúdikti Grýzııadan ekstradısııalandy
Uzaq merzimge Grýzııada jumys isteýdi josparlaǵan Qazaqstan azamattary jańa talaptardy tolyq saqtaýy tıis.
Grýzııa otandastarymyz úshin IT-mamandardyń relokasııasy, shaǵyn bıznes ashý, maýsymdyq jumys, týrızm salasy boıynsha tanymal elderdiń biri edi. Ásirese taksı, jetkizý jáne gıd qyzmeti suranysqa ıe bolatyn. Endi bul salalarda shekteý engizilip otyr.
Grýzııa bıliginiń bul sheshimi ishki eńbek naryǵyn qorǵaýǵa jáne jergilikti azamattarǵa basymdyq berýge baǵyttalǵan.
