S dárýmeni rak kletkalaryn óltiredi - AQSh ǵalymdary

AQSh-taǵy Aıova ýnıversıtetiniń ǵalymdary adam aǵzasyna tamyr arqyly engizilgen S dárýmeni rak kletkalaryn óltiretinin anyqtady. Bul týraly Redox Biology jýrnaly jazdy. Zertteý jasaǵan ǵalymdar rak kletkalarynda sýtegi peroksıdine qajetti katalaza fermenti az ekenin anyqtaǵan. Ǵalymdardyń aıtýynsha, ol S dárýmeni aǵzaǵa taraǵanda bóline bastaıdy eken. Atalǵan zertteý barysynda katalaza jetispeýshiliginen rak kletkalary ony katalızator retinde qoldana almaıtyny baıqalǵan. Al aǵzaǵa S dárýmeni engizilgende, peroksıd molekýlalary rak kletkalaryn óltiretini anyqtalǵan. Bul jaǵdaıda kórshi kletkalarǵa zaqym kelmeıdi. Ǵalymdardyń aıtýynsha, S dárýmeniniń tabletkalaryn qoldaný paıda bermeıdi. Sebebi asqazan arqyly qan aınalymyna ol az mólsherde túsedi eken. Buǵan deıin zertteý tyshqandarǵa júrgizilgen. Qazir amerıkalyq klınıkalardyń birinde erikti adamdarǵa osy ádis qoldanylýda. Aldyn ala nátıjeler boıynsha, hımıotepartııa men S dárýmenin berý naýqastardyń jaǵdaıyn jaqsartqan. Atalǵan kórsetkish qansha ýaqytqa sozylatyny týraly qorytyndy endi shyǵady.