Astananyń eki kóshesine birjaqty qozǵalys engiziledi

Astana ákimdiginde 2017 jyldyń kólik keshenin damytý baǵdarlamasy tanystyryldy. Kezdesý barysynda "Astana LRT" JShS dırektory Rýstam Halılov qaladaǵy Abylaıhan jáne Sh.Qudaıberdiuly dańǵyldaryna birneshe aıdyń ishinde birjaqty qozǵalys engiziletinin aıtty. Rýstam Halılovtyń aıtýynsha, bul elorda kóshelerindegi qozǵalysty jeńildetýge múmkindik beredi. "Joldarda birjaqty qozǵalysty engizý júıesin damytý qarastyrylyp jatyr. Basty aıtatyn jaıt - barlyq avtokólik ıeleri bul trafıkti arttyrady dep oılaıdy. Biraq ol keshendi jumys. Eger jolda 4 jolaq bolsa, onyń ekeýi  BusLane, ıaǵnı avtobýstarǵa arnalsa, kólikter úshin tek ekeýi ǵana qalady. Bul jaǵdaıda biz bir baǵytta úsh jolaq bolady dep qarastyryp jatyrmyz. Bireýi - qarsy baǵyttaǵy qoǵamdyq kólikterge arnalady. Al qarsy qozǵalys bolmasa, kedergi az bolatyny matematıkalyq turǵyda dáleldengen. Sol arqyly biz jol qozǵalysyn tıimdi etemiz", dedi Rýstam Halılov Esterińizge sala ketsek, Astanada 28 mamyrda Áýezov (Respýblıka dańǵylynan Moldaǵulova kóshesine deıin) jáne Jeltoqsan kóshelerinde (Máskeý kóshesinen Kenesary kóshesine deıin) birjaqty qozǵalys engizilgen bolatyn. Ekinshi kezeń 10 maýsymda júzege asyrylyp, Iаnýshkevıch pen Kenesary kósheleri birjaqty qozǵalysqa ótti.