Kelini jaqsynyń – keregesi altyn

Osy sózdiń tórkininde te­reń mán jatyr. О́ıtkeni, sha­ńy­raqtyń beriktigi, otba­syn­daǵy yntymaq, bardyń baǵa­syn bilý, ulaǵatty urpaq tár­bıe­leý, bári-bári kelinderdiń bo­ıyndaǵy jaqsy qasıet­ter­men astasyp jatatyny anyq. Demek, ádepti kelin aýyldyń kórki, aǵaıyn-týystyń uıytqysy. Osy máselelerdiń astary­na úńilgen Aqshı aýylynyń jurt­shylyǵy «Paı-paı, qazaq­tyń kelinderi-aı!» baıqaýyn ótkizip, oǵan osyndaǵy on saý­saǵynan óneri tamǵan, halqy­myz­dyń baı dástúri men sal­tyn saqtaýda ózgelerden erekshelengen kelinder qatys­ty­ry­lypty. Mádenıet úıine jınalǵan­dar ustazdar Nurjan Juma­han, Sáýle О́temuratova, úı sha­rýasyndaǵy Saltanat О́me­sho­va, meıirbıke Ásem Japaeva jáne aýyl ákimdiginiń qyz­metkeri Nursulý Ýáıisova taǵy basqalary kúndelikti tirshiliktegi áıel qaýymyna tán tur­mystyq málelelerden bastap, ónerlerin, parasat-paıym­daryn ortaǵa saldy. «Besikke túsken bópege, esikke deıin en dúnıe» demekshi, kelinder ózin-ózi tanystyrýdan bas­tap, qazaqtyń umytylyp bara jatqan dástúrlerin, ulttyq kıim, maqal-mátel jarysy, qazaqtyń baı das­tarqany men qolóner tá­rizdi tú­ıin­di máselelerdi ár qyrynan kór­setip, úmitterin úkiledi. Jalpy Aqshı aýyly qazaqı qalpymen tanylatyndyǵyn eskersek, úmitkerler shetterinen ónerli, bilimdi, salt-dástúrge je­tik ekendikterin tanytty. Árı­ne mundaı synǵa ekiniń biri táýekel etpesi anyq qoı. Kórermender ár kelinge oryn­dy baǵalaryn berip, qonaǵymen ajarly, balasymen bazarly, ári baıqaý talaptarynan súrinbeı ótken Saltanat «Úlgili kelin», Nur­jan «Sheber kelin», Sáýle «Inabatty kelin», Nursulý «О́nerli kelin», Ásem «Ismer kelin» atanyp, baqtary jandy. Bir qyzyǵarlyǵy, Nurjan ózin-ózi tanystyrý kezinde óz­gelerden erekshelenýimen qa­tar umytyla bastaǵan uza­ty­latyn boıjetkenniń aýjar men syńsý aıtýyn ádemi oryn­dap, týǵan-týys, ata-anaǵa degen júrek lúpilin sheber jetkizdi. Ol dombyramen sazger Nurǵısa Tilendıevtiń «Aqqý» kúıin oryndap, sýret salýdaǵy sheberligi jáne túrli-tústi syr­maq tekemetteri de kóp­shilikti qyzyqtyrdy. Kelini jaqsynyń – keregesi altyn degen osy. Jalpy otbasynyń yn­ty­maǵy jaıly kóp aıtqannan góri osyndaı el júreginen oryn alatyn sharalardyń ana­ǵurlym tıimdi ekenine kópshi­lik taǵy bir kóz jetkizdi. Kúmisjan BAIJAN. Almaty oblysy.