85-tegi ájeı 285 kitap syılady

Kókterek aýyly kóktem merekesin kól-kósir meıramǵa aınaldyrdy. Kúni boıy aýyldy án-kúı men shattyq áýezderi kernedi. Taǵlymdy shara­lardyń biri jergilikti negizgi mektepte bolǵan edi. Ulystyń uly kúni Jarııa Janaıdarova 85 jyldyǵyn atap ótti. Zerendi aýdanynyń ártúrli mektepterinde qyryq jyldan astam ustazdyq qyzmet atqarǵan Jarııa Abdrahmanqyzy ózi de kezinde Kók­terek mektebinde oqyp, bastaýysh synyp oqýshy­laryn bilim nárimen sýsyndatqan. Alty bala ósirip, 12 nemere jáne 10 shóbere súıip otyrǵan ájeıdiń nemereleri Gaýhar men Ashat «Altyn belgi» ıegerleri bolsa, Gaýhar, sondaı-aq, Astanadaǵy L.N.Gýmılev atyndaǵy ulttyq ýnıversıtetti úzdik bitirip shyqty. El anasy jasynyń ulǵaıǵanyna qaramastan, qoǵamdyq jumystardan, taǵlym sharalarynan shet qalǵan emes. Jarııa ájeı Naýryz meıramynda Kókterek mektebine aıryqsha syılyq jasady. Endi bilim ordasynyń kitaphanasy ardager ustaz usynǵan 285 dana kitappen tolyqty. Olardyń ishinde Qazaqstan men álem klassıkteriniń qolǵa túse bermeıtin shyǵarmalary, kókshetaýlyq aqyn, jazýshylardyń kitaptary bar. Kezdesýde mektep dırektory Qarlyǵash Mananova, aýyl aqsaqaldary Sabyrken О́mirov, Qadyr­jan Týmyrzın, Maıra Gımalova J.Janaıdarovanyń aýyl ómiri men mádenıetin kóterýge qatysty eńbekterin atap, estelikterimen bólisti. Munda arnaıy kórme uıymdastyrylyp, mektep oqýshylary óner kórsetti. Baqbergen  AMALBEK, Aqmola oblysy, Zerendi aýdany.