Kongo elinde 17 jańa rastalǵan aýrý jaǵdaıy tirkelip, 5 adam qaıtys boldy. Olardyń barlyǵy Itýrı shyǵys provınsııasynda anyqtalǵan. Qazirgi Ebola-Býndıbýgıo vırýsynan týyndaǵan órshý Itýrı, Soltústik Kıvý jáne Ońtústik Kıvý sııaqty úsh shyǵys provınsııadaǵy 29 medısınalyq aımaqty qamtyǵan.
Beısenbi kúngi málimet boıynsha jalpy 168 kúdikti jaǵdaı tirkelip, 64 adam qaıtys bolǵan.
Kongoda Ebola vırýsy órship tur: Qaıtys bolǵandar sany 127-ge jetti
Esepte birqatar jedel qıyndyqtar da ataldy. Olardyń qatarynda qaıtys bolǵandardan úlgi alýǵa qarsylyq kórsetý, Ebola emdeý ortalyqtarynyń jetkiliksizdigi, Soltústik Kıvýda ınfeksııanyń aldyn alý jáne baqylaý quraldarynyń jetispeýi, úsh provınsııadaǵy álsiz habarlaý júıesi, sondaı-aq 21,5 mln AQSh dollary kólemindegi qarjylandyrý tapshylyǵy bar.
BUU Bosqyndar isi jónindegi Joǵarǵy komıssarynyń beısenbi kúni jarııalanǵan esebine sáıkes, Itýrıdegi qonys aýdarýshylar lagerinde Ebola bezgegine baılanysty eki ólim jaǵdaıy tirkelgen.
Kongo Demokratııalyq Respýblıkasynyń densaýlyq saqtaý mınıstrligi 15 mamyrda osy aýrýdyń jańa órshýin resmı túrde jarııalady. Bul elde 1976 jyly vırýs anyqtalǵannan beri 17-shi Ebola indeti.
Buǵan deıin Ebola vırýsynyń taralý qaýpi joǵary 10 el atalǵany týraly jazdyq.
