Tarbaǵataıdaǵy qos qýanysh

Dál osy ýaqytta ótken jyly Tarbaǵataı aýdanynyń birneshe eldi mekenin sý shaıyp, tabıǵat apaty 500-ge tarta turǵyn úıdi, áleý­mettik ǵımarattardy qıratyp ketken edi. Arada bir jyl óte shyqty. Endi, mine, Tarbaǵataı aýdanynyń turǵyn­dary Naýryz merekesin oblys ákimi Berdibek Saparbaevpen birge qarsy aldy. О́ńir basshysy Jántekeı aýy­lyn­daǵy jańadan boı kótergen 180 oryn­dyq mekteptiń tusaýyn kesti. Aýyl turǵyndaryn Naýryz merekesimen qut­tyqtaǵan soń mektepke teledıdar men lıngofon kabınetine arnalǵan jab­dyqtardy tapsyrdy. Tarbaǵat­aı­lyq­tar syn sátte janashyrlyq tanyt­qan bılikke alǵystaryn jaýdyrdy. Sol kúni óńir basshysy Aqsýat aýylynda jańa ortalyq aýrý­ha­na­nyń saltanatty ashylýyna qatys­ty. Bu­rynǵy aýdan ortalyǵy Aq­jar aýy­lyn­da týberkýlezge qarsy 50 oryn­dyq aýrýhana qurylysy da aıaqtalyp, oblys ákimi ony qabyl­dap aldy. Aman­shylyq bolsa, tór­tin­shi toqsan­nan bastap, tasqyn sýdan eń kóp zardap shekken Kók­jy­ra aýy­lyn­daǵy 600 oryndyq záýlim mektepte oqý­shy­lar bilim nárimen sýsyndamaq. Ońdasyn ELÝBAI, Shyǵys Qazaqstan oblysy.