Jandaný

Jármeńke Budan eki jyl buryn Shyǵys Qazaqstan oblysynyń ákimi Berdibek Saparbaevtyń bastamasymen «Týǵan el – altyn besigim», «Týǵan jerge taǵzym» aksııalary dúnıege kelgen edi. Onyń aıasynda oblystyń barlyq qalalary men aýdandarynda arzan baǵamen azyq-túlikti saýdalaý, óner­paz jastardyń el arasynda jıi bo­lyp, án men kúımen sýsyndatý, ult­tyq salt-dástúrdi jańǵyrtý, О́ske­men jáne Semeı qalalarynda ár ap­tanyń senbisinde jármeń­ke ótýde. О́tken aptada О́skemendegi Respýblıka alańynda Zaısan aýdany qo­ja­lyq ıeleriniń óndirgen azyq-túlik jármeńkesi bolyp ótti. Zaısan­dyq­tar 80 iri qara, 2 túıe, 30 qoı etin, 5 jylqy etin, 8 tonna kartop pen 2 tonna qyryqqabat, 2 tonna ósimdik maıyn, 1 tonnaǵa jýyq talqan, tary, jent, qurt-irimshik, basqa da taýar­lardy alyp keldi. Zaısan aýdanynyń ákimi Serik Zaınýldın atqaryp jat­qan isteri jaıly áńgimelep berdi. – О́tken jyly aýylsharýashylyq ónimderin óndirý kólemi 4 mlrd. 300 mıllıon teńgeni qurady. Qazir aýdanda birshama ıgi ister atqarylyp jatyr. Atap aıtqanda, jeke kásipker Aıdar Barysov Zaısan qalasynda sút zaýytyn ashý maqsatynda jańa qondyrǵylardy ornata bastady.  «Jol kartasy» baǵdarlamasy aıasyn­da aýdanda qyrýar sharýalar júzege asyrylyp, mektepter aǵymdaǵy jón­deýden ótip, abattandyrý jumystary atqaryldy. «Balapan» baǵdarlamasy aıasynda aýdandaǵy aýyldarda bala­baqsha, shaǵyn ortalyqtar ashylyp, jumys isteı bastady. О́ńir basshysy B. Saparbaev Saryterektegi bala­baq­shanyń, Daıyrdaǵy mektep-ınter­nat­tyń ashylý rásimine qatysyp, jurt­shy­lyqtyń qýanyshymen bólisti. Tabıǵattyń tosyn apatynan zardap shekken Tasbastaý aýylyna Berdibek Saparbaev birneshe márte kelip, halyqpen júzdesýi, qıyn sátte olar­dyń janynan tabylýy, turǵyndardy jaǵdaıdyń oń bolýyna sendirýi el qamyn oılaǵan naǵyz basshynyń úlgisi emes pe! Tasbastaýlyqtar jańa baspanalarǵa ıe bolyp, apattan keıingi aýyl tikeleı óńir basshysynyń qamqorlyǵy arqasynda qaıta túledi. – Aýylsharýashylyq qurylymda­ryna kóktemgi sý tasqyny kezinde shyǵynǵa ushyraǵan mal basynyń ornyn toltyrý maqsatynda memleketten 19 mln. teńge qarjy bólinip, jeńildikpen nesıe berildi. Halyq­tyń eńsesi kóterilip qaldy, mundaı jármeńkeler turaqty ótip turady, – dedi aýdan ákimi Serik Zaınýldın. Tańǵy saǵat 9-da oblys ákimi Berdibek Saparbekov jármeńkeni aralap, qojalyq ıelerimen áńgimelesti. Keń­saı aýyldyq okrýginiń ákimi Jetpisbaı Ábdirahmanov jármeńkege alty iri qara, eki jylqy, bes qoı etin otyz qap kartop ákelgenin aıtty. Iri qara etiniń 1 kılosy 700 teńge. Al, kar­top­tyń 1 kılosy 60 teńge. Dál sol kúni ortalyq bazarda iri qara eti men kartoptyń baǵasy 2 ese qymbat bolatyn. Aýdandaǵy iri qojalyq ıesi Erbol Kelgenbaev tirkemesi bar «Ka­m­az»-ben 30 iri qaranyń etin ákelipti. Al, túıe etin qala turǵyndary áp-sátte talap alyp ketti. О́ńir bas­shy­sy, aýdan ákimi Serik Zınabekulyna búgingi jármeńkeni jaqsy uıymdas­tyrǵany úshin alǵys aıtty. Sol kúni Respýblıka alańynda zaısandyqtar ánnen shashý shashyp, «Táýelsizdiktiń 20 jyldyǵyna – 20 ıgi is» sharasy jaıly maǵlumattar berdi. Jańasha ótken naýryz О́tken jyly aýa raıynyń qolaı­syz bolyp, birqatar eldi mekenderde sý tasqyny bolýy saldarynan zaı­san­dyqtar Naýryz merekesin atap óte almaǵan. Ásirese, Tasbastaý aýy­lynda apattyń saldarynan 30-ǵa tar­­ta turǵyn úı jaramsyz bolyp qal­ǵan edi. Bıyl Naýryz toıyn mán­di de sándi atap ótýdiń reti keldi. 21 naýryz kúni «Shyǵys saqı­na­sy» kólik dálizimen Zaısanǵa qaraı saparǵa shyqtyq. Kún sýyq, qardyń qalyńdyǵy byltyrǵydan kem emes. Tarbaǵataı aýdany men Zaısannyń arasyndaǵy kúre joldy 1 metrge deıin qalyń qar basyp qalǵan. Munyń aldynda qalyń jaýǵan qar men dúleı borannyń saldarynan jol eki kún jabyq turǵan. Jolshylarǵa rahmet, tabıǵat synynan abyroımen shyǵyp, joldy tazartyp úlgergen. Bıyl zaısandyqtar merekeni ja­ńa­sha sıpatta ótkizýdi uıǵarypty. Sol kúni keshkilik mádenıet úıinde Naýryzǵa arnalǵan án keshi bolyp ótti. Onyń tusaýyn belgili aıtysker aqyn Serik Qusanbaev kesip, jyrdan shashý shashty, esimi elge tanymal ánshi Shahızada kóp­shi­likke óner kór­set­ti. Eki saǵat boıy án shyrqaǵan Sha­hızadaǵa jurtshy­lyq tánti bo­lyp, rızashylyqtaryn bildirdi. Aýdandyq ákimdiktiń aldyndaǵy keń alańda 30-ǵa tarta kıiz úı sap túzegen. Ár aýyldyq okrýg 2-3-ten kıiz úı tigipti. Onyń ózindik máni bar. Naýryzǵa arnalǵan  kıiz úıler saıysynda Zaısandaǵy Álııa Qus­ma­no­va jetekshilik etetin № 11 kásiptik lıseıdiń 8 qanatty kıiz úıi bas júl­deni jeńip aldy. Budan keıingi júl­deli úsh orynǵa aýdandyq medısına­lyq birlestigi,  Dáýlenov orta mektebi men Aınabulaq aýyldyq okrýgi, 2017-áskerı bólimi, Lomonosov orta mektebi, Qaratal aýyldyq okrýgi ujymdary ıe boldy. Naýryzda  aýdandyq deneshy­nyq­ty­rý jáne sport bóliminiń bastyǵy Zaısanbek Qajanovtyń jáne «Saıhan» sport klýbynyń uıymdas­ty­rýy­men ortalyqtaǵy shaǵyn fýtbol alańynda toǵyzqumalaq, arqan tar­tys, qoltires, ústel tennısi,  gir kó­terý, baǵanaǵa shyǵý, shahmat, doıby syndy birqatar sporttyq oıyndar uıymdastyrylsa, Áýezov mektebi men mádenıet úıi janyndaǵy sport komandalary ózara synǵa tústi. Sport mektebinde qazaqsha kúresten bá­seke tartysty ótti. Bul jarys­tar­ǵa aýyl, qala sportshylary qatysyp baqtaryn synady. Toǵyzqumalaqtan qyzdar arasynda I-oryndy Nurgúl Ázirhanova, II-oryndy Káýsar Ynty­maq, al III-oryndy Altynaı Baq­bae­va jeńip aldy. Shahmattan erler arasynda Q.Nıǵ­matýlın men Q.Saǵymjanov kósh bastady. Oqýshylar arasyndaǵy bul saıysta J.Qanatuly, E.Abzıev, Á.Turysbekov tıisinshe top jardy. Qyz­dar ara­syn­daǵy osy synda I or­yn T.Beısen­baevaǵa, II oryn Ǵ.Tas­qyn­ba­evaǵa, III oryn E.Shalǵyn­be­ko­vaǵa buı­yr­dy. Dál osyndaı kórset­kish boıynsha doıby jarysynda uldar arasynda I-orynǵa D.Qalelov, II-or­ynǵa Q.Dáýitbaev, III-orynǵa A.Qaý­yl­bekov turaqtady. Qyzdar ara­syn­da G.Tas­qyn­baevaǵa, Q.Bıdah­me­tovaǵa jáne Q.Baýyrjanovaǵa eshkim teń kelmedi. Ústel tennısinen qyz­dar ara­synda M.Orazova, B.Orazova, R.Orazbekova júl­de­li oryndardy ıelense, ul­dar ara­syn­da O.Ábdıev, M.Rahımov, M.Eginbaev jeńis tuǵyryna kóterildi. Naýryz merekesinde Shahızada ánnen shashý shashyp, ónerpazdar myń buralyp bı bıledi. Mereke kúni kórshi Qytaı mem­le­ketiniń Shyńjan-Uıǵyr avtono­mııa­ly raıony Altaı aımaǵy syrtqy eko­nomıkalyq saýda mekemesiniń or­yn­basary Jeńis Qabdikárimuly, Shyń­jan-Jınshıný-Hýantı jaýapkershiligi shekteýli saýda seriktes­ti­giniń dı­rektory Ý-Go-Bın 10 tonna kókónisti eki ese arzan baǵamen saýdalap, tur­ǵyndardyń alǵysyna ıe boldy. Ońdasyn ELÝBAI, Shyǵys Qazaqstan oblysy, Zaısan aýdany.