Saǵyntaev Kanadanyń parlamenttik delegasııa ókilderimen kezdesti

Búgin Úkimet úıinde QR Premer-Mınıstri Baqytjan Saǵyntaevtyń Qaýymdar palatasynyń Syrtqy ister jáne halyqaralyq damý komıtetiniń tóraǵasy Robert Nolttyń basshylyq etýimen, Kanadanyń parlamenttik delegasııasymen kezdesýi ótti, dep habarlaıdy primeminister.kz. Kezdesý barysynda Qazaqstan men Kanadanyń áleýmettik-ekonomıkalyq damýynyń túrli salalaryndaǵy yntymaqtastyqtyń keleshegi, sonyń ishinde aýylsharýashylyǵy, agrarlyq ónerkásip, mádenı-gýmanıtarlyq baılanys, azamattyq avıasııa, aeroǵarysh jáne áskerı-ónerkásiptik salalardaǵy máseleleri talqylandy. Kezdesýde basty nazar 2016 jyly qurylǵan Qazaqstan-Kanada Iskerlik keńesi aıasyndaǵy eki eldiń bıznes-qurylymdarynyń ózara is-qımylyna aýdaryldy. Taraptardyń pikirinshe, keńes qyzmeti eki el arasyndaǵy saýda-ekonomıkalyq jáne ınvestısııalyq yntymaqtastyqty jandandyrýǵa múmkindik beredi. Premer-Mınıstr Kanadanyń Qazaqstannyń mańyzdy seriktesi ekenin aıtyp ótti. Eki eldiń de jahandyq ekonomıkalyq syn-tegeýrinderdi eńserýdegi áreketteri ınfraqurylymǵa ınvestısııalardyń ósýi men óńirlik jáne jahandyq ekonomıkalyq yqpaldastyqty esepke alǵanda sáıkes keletinin aıtty.