Memlekettik basqarý Azıalyq qaýymdastyǵy Astanadaǵy óńirlik habpen áriptestigin nyǵaıtýda

Astanadaǵy memlekettik qyzmet salasyndaǵy О́ńirlik hab basqarýshy komıteti tóraǵasy Alıhan Baımenov Memlekettik basqarý salasyndaǵy Azııalyq qaýymdastyq (AAPA) prezıdenti, Ionseı ýnıversıteti professory Pan Sýk Kımmen kezdesti. Taraptar ekijaqty qarym-qatynastardy ári qaraı damytý, onyń ishinde О́ńirlik habpen 13-14 sáýirdegi AARA halyqaralyq konferensııasyn bıyl Astanada ótkizý boıynsha daıyndyq máselelerin talqylady. Jıyn barysynda Azııa elderiniń jetekshi ǵalymdary men praktıkteri memlekettik qyzmet damýynyń ózekti máselelerin, jańa synaqtar men ınnovasııalyq ádis-tásilderdi qarastyrady. Konferensııada sonymen birge «Panazııalyq dıalog: tıimdi basqarý men Turaqty Damý Maqsattary» atty joǵarǵy deńgeıdegi sessııa ótedi. Pan Sýk Kım kezdesýdi uıymdastyrǵany úshin rızashylyǵyn bildire otyryp, О́ńirlik habtyń memlekettik qyzmetti damytýdaǵy qyzmetiniń mańyzyna toqtaldy. «Habtyń negizgi mandaty - memlekettik qyzmet júıesin aımaqta ǵana emes, álemniń basqa jerlerinde de ilgeriletý. Sondyqtan Hab memlekettik basqarý salasynda sarapshylar jelisin qurý, zertteýler men jaqsy tájirıbelerdi ilgeriletý boıynsha orasan zor jumys atqarýda», - dedi Pan Sýk Kım. Kezdesýde sonymen birge Hab pen memlekettik basqarý salasyndaǵy Azııalyq uıymnyń yntymaqtastyǵynyń negizgi baǵyttary, onyń ishinde birlesken oqytý is-sharalary, zertteýler men ǵylymı jarııalanymdar ázirleý máselesi aıqyndaldy. Astanadaǵy memlekettik qyzmet salasyndaǵy óńirlik hab - aımaqtaǵy memlekettik qyzmet salasyndaǵy tájirıbe men bilim almasýdyń ınstıtýsıonaldy alańy. Qazirgi tańda Habtyń qatysýshy-elderi qatarynda 36 memleket, onyń ishinde Amerıka, EO, TMD, Kavkaz jáne ASEAN elderi bar.