2016 jyly EAEO elderiniń aýyl sharýashylyq óndirisi ósti

EAEO elderiniń aýyl sharýashylyǵyndaǵy óndiris 2016 jyly 3,2% ósti, dedi Eýrazııalyq ekonomıkalyq komıssııanyń (EEK) ıntegrasııa jáne makroekonomıka jónindegi mınıstri Tatıana Valovaıa. Bul týraly strategy2050.kz jazdy. Ol bul ekonomıkalyq jaǵdaıdyń turaqtanýyn jáne Eýrazııalyq ekonomıkalyq odaqqa (EAEO) múshe memleketterdiń ekonomıkalarynyń ósýine kóshý múmkindigin bildiretin kóptegen úmit arttyratyn belgilerdiń biri ǵana ekenin atap ótti. Sonymen birge mınıstr 2016 jyly EAEO elderiniń jıyntyq JIО́-si 0,3% ǵana qysqarsa, 2015 jyly 2,5% tómendegenin atap ótti. Osy rette JIО́ azaıýy Odaqtyń eki elinde ǵana – Belarýs pen RF-da baıqalǵan. Qalǵan barlyq memleketter ekonomıkalyq ósýdi kórsetken. Mysaly, Armenııadaǵy ónerkásiptik óndiris 6,9% ósken. Tatıana Valovaıa ekonomıkanyń jekelegen salalary men bólikterin baǵalaı otyra, aýyl sharýashylyǵyndaǵy óndiristiń 2015 jylmen salystyrǵanda 3,2% artqanyna nazar aýdardy. «Bul bizge kelesi jyly oń traektorııaǵa senim artýǵa negiz beredi», – dep atap ótti EEK ókili. О́nerkásip 0,2% ósip, ótken jylǵy deńgeıde belgilengen. Alaıda, bul 2015 jylǵy tómendeýge qaraǵanda, jaqsy nátıje bolyp sanalady. Budan bólek, Odaq elderiniń makroekonomıkalyq turaqtylyqty qoldaý sharalaryn qabyldaýy arqasynda ınflıasııa turaqtanǵan. «EAEO memleketteri ortaq ekonomıkalyq keńistikte anaǵurlym básekege qabiletti bolý úshin óziniń ulttyq zańnamasyn jetildire bastady. Bul bizdiń halyqaralyq arenadaǵy pozısııalarymyzdyń jaqsarýyna ákeledi», - dep qorytty T. Valovaıa.