Forbes: Alvares Golovkınmen jekpe-jekke shyqsa ǵana jurttyń pikiri ózgerýi múmkin

Forbes jýrnaly meksıkalyq boksshy Saýl «Kanelo» Alvarestiń (48-1-1, 34 KO) mansaby men bedeliniń artýy nelikten qazaqstandyq Gennadıı Golovkınmen baılanysty ekenin túsindirdi, dep habarlady vesti.kz. Belgili bolǵandaı, ol 6 mamyr kúni óziniń otandasy kishi Hýlıo Sezar Chavespen  (50-2-1, 32 KO) judyryqtasady. Atalǵan basylymnyń pikiri boıynsha, bul oǵan qarjylyq jaǵynan tıimdi kezdesýdiń biri bolmaq. «Jeńiske jetken kúnniń ózinde «Kanelonyń» jurt aldyndaǵy bedeli arta ma? Joq. Tek Golovkındi jeńse ǵana (eń bolmaǵanda jekpe-jek ótkizse) kópshiliktiń oǵan degen pikiri ózgerýi múmkin. Forbes nusqasy boıynsha R4R-diń kóshbasshysy Saýl Alvares bul tizimde úshinshi kele jatqan qazaqstandyq boksshymen kezdesýden bas tartqandyqtan odan jasqanady degen oı qalyptasyp ketken. Al Chavespen aıqasy mansabynyń órleýine septigin tıgizedi me? Olaı emes sııaqty. Sebebi, bul kúni onyń bási joǵary bolady. Biraq kóbirek aqsha tabýy ábden múmkin. Degenmen, PPV-satylymynda báseńdep bara jatqanyn aıta ketken jón. (2015 jyly qarashada Mıgel Kottomen ótken jekpe-jegi 900 myń PPV, byltyr Amır Hanǵa qarsy 600 myń, al ótken jyldyń qyrkúıeginde ótken Lıam Smıtke qarsy 300 myńdaı ǵana jınady) endi osy olqylyqtyń ornyn toltyrý úshin Golovkınmen kelissózder ótkizýi tıis. Alǵashynda GGG men Alvares arasyndaǵy jekpe-jek 2016 jyly ótýi tıis bolatyn, alaıda meksıkalyq boksshy orta salmaqtaǵy WBC belbeýinen bas tartyp, birinshi orta salmaqqa aýysyp ketti. Al beldik tıisinshe qazaqstandyqqa berildi. Biraq qos tarap áli de bolsyn kelissózder ótkizip jatqany álemdik BAQ betterinde osyǵan deıin birneshe márte jarııalanǵan. Aıta keteıik, Golovkın 18 naýryz kúni Nıý-Iork qalasyndaǵy Madison Square Garden arenasynda amerıkalyq Dennıel Djeıkobspen (32-1, 29 KO) kúsh synasady.